Kasado na ang face-to-face oathtaking para sa bagong professional electronics engineers, electronics engineers, at electronics technicians ng bansa, ayon sa Professional Regulation Commission (PRC) nitong Biyernes, Enero 12.
Sa Facebook post ng PRC, inihayag nitong magaganap ang in-person oathtaking sa darating na Enero 20, 2024 dakong 2:00 ng hapon sa 2nd Floor, Esmeralda-Machuca, Pearlmont Hotel, Limketkai Drive, Cagayan de Oro City.
“All successful examinees who are interested to attend the face-to-face mass oathtaking shall register not later than 12:00 NN of the day prior to the date of the oathtaking at http://online.prc.gov.ph to confirm their attendance,” pahayag ng PRC.
“Further, inductees shall come in Filipiniana/Barong Tagalog and are required to PRINT the Oath Form with the generated QR code which will be submitted during the oathtaking in order to be tagged as ‘attended’,” dagdag pa nito.
Bilang ex-DepEd chief: VP Sara, masaya sa naitayong museo sa Camarines Norte
Inabisuhan din ng komisyon ang mga inductee na kumpirmahin ang kanilang attendance sa mga rehiyon kung saan nila kinuha ang kanilang licensure examination at nais na magparehistro bilang mga propesyunal.
Para naman sa mga hindi makakapunta sa nakatakdang face-to-face mass oathtaking, maaari pa rin silang dumalo sa pamamagitan ng isasagawang online oathtaking o mag-request ng isang special oathtaking.
Iaanunsyo raw ang schedule ng online oathtaking kapag naisapinal na ito.
“After the oathtaking, inductees shall proceed with their Initial Registration by securing an online appointment at http://online.prc.gov.ph starting January 22, 2024,” saad ng PRC.
“For more details on the oathtaking proper, you may contact 0919-060-3432,” dagdag pa nito.
