Kampo ni VP Sara, kinumpirma paghahain ng Petition for Certiorari and Prohibition sa SC!-Balita

Kampo ni VP Sara, kinumpirma paghahain ng Petition for Certiorari and Prohibition sa SC!

By Mc Vincent Mirabuna

April 08, 2026

Kinumpirma ng kampo ni Vice President Sara Duterte ang paghahain nila ng Petition for Certiorari and Prohibition sa Korte Suprema kaugnay sa gumugulong na deliberasyon ng House Committee on Justice sa mga impeachment complaints laban sa Bise Presidente.

Ayon sa mga lumabas na ulat at naging pahayag ng kampo ni VP Sara nitong Miyerkules, Abril 8, 2026, inamin nilang naghain sila ng naturang petition sa Supreme Court.

“We confirm that a Petition for Certiorari and Prohibition has been filed before the Supreme Court in relation to the ongoing proceedings before the House Committee on Justice,” pagsisimula niya.

Anila, hakbang umano nila ito upang linawin ang mahahalaga nilang katanungang nakabatay sa Konstitusyon na kailangan umanong agad na mabigyang-atensyon ng Korte Suprema.

“This step was taken to seek clarity on fundamental constitutional questions, which, in our view, warrant the Court's immediate attention,” diin nila.

Paglilinaw nila, hindi umano sila umiiwas sa proseso ng House Committee on Justice at sinisiguro lang daw nila ang wastong pagsunod sa Konstitusyon.

Buwelta nila, may kapangyarihan daw ang Kamara na magsagawa ng impeachment ngunit limitado lang umano ang kapangyarihan nilang ito.

“To be clear, this is not about avoiding the process. This is about ensuring that the process itself complies with the Constitution. The House has the power to initiate impeachment, but that power is not without limits,” saad nila.

“Out of respect for the Court, we will refrain from discussing the details publicly and will await its action,” pagtatapos pa nila.

Samantala, habang sinusulat ito, wala pa naman inilalabas na pahayag, tugon, o reaksyon ang panig ng House Committee on Justice kaugnay rito.

Matatandaang nagpadala na sila ng mga subpoena sa Office of the Ombudsman upang makuha ang Statement of Assets, Liabilities, and Net Worth (SALN) ng Bise Presidente.

Bukod pa rito, nagpadala na rin sila ng subpoena sa Commission on Audit (COA) upang mahingi ang mga record ng confidential funds ni VP Sara noong tumayo siya bilang Kalihim ng Department of Education (DepEd).

KAUGNAY NA BALITA: House Committee on Justice, inisyuhan ng subpoena ang COA!

KAUGNAY NA BALITA: Ombudsman Remulla, ibabala para maisumite SALN ni VP Sara sa House Committee on Justice

Sen. Kiko, nirerespeto desisyon ni Mayor Leni pero pinakamalakas na pambato pa rin sa 2028!

Ipinahayag ni Sen. Kiko Pangilinan na nirerespeto niya ang naging pinal na desisyon ni dating Vice President at ngayon ay Naga City Mayor Leni Robredo na hindi tumakbo sa 2028 presidential elections, bagama’t aminado siyang hindi siya sang-ayon dito. Ayon kay Pangilinan, sa kaniyang Facebook post nitong Martes, Abril 21, nananatili ang kaniyang paniniwalang higit na mapaglilingkuran ang...

Romualdez sa Ombudsman: 'Follow the rule of law and due process!'

May mensahe si Leyte 1st District Rep. at dating House Speaker Martin Romualdez sa Ombudsman, na bahagi ng inilabas niyang video statement kaugnay sa pagkakasangkot niya sa iba't ibang isyu ng korapsyon sa national budget at flood control projects, nitong Martes, Abril 21. Pinalagan ni Romualdez ang mga isyung ibinabato laban sa kaniya, lalo na ang pagiging 'mastermind' sa mga isyu...

'How can I be the mastermind?' Romualdez, pinabulaanang ulo siya ng korapsyon!

Mariing pinabulaanan ni dating House Speaker at Leyte 1st District Rep. Martin Romualdez ang umano’y pagiging “mastermind” niya sa korapsyon noong namumuno pa siya sa House of the Representatives. KAUGNAY NA BALITA: 'I will not keep quiet anymore!' Romualdez, nagsalita sa mga isyu matapos mapahamak ang anak Ayon sa inilabas na video statement ni Romualdez sa kaniyang Facebook...