Naubos ang limang daliri ng isang 4-anyos na lalaki na taga-Central Luzon matapos putulin nang masabugan ng paputok na 'dart bomb' nitong Disyembre 31.
Ito ang isinapubliko ng Department of Health (DOH) sa isang pulong balitaan nitong Linggo at sinabing kabilang lamang ang nasabing bata sa walong pinaka-bagong kaso ng fireworks-related injuries sa bansa.
Ipinaliwanag ni DOH Undersecretary Eric Tayag, bukod sa pinsala sa kanang kamay, nasugatan din ang leeg ng nasabing bata.
National
‘Julian,’ itinaas na sa ‘typhoon’ category
Sa datos ng DOH, nasa 115 na ang nasabugan ng mga ilegal na paputok sa buong bansa.
Pinakamarami aniya ang naitalang kaso sa Metro Manila, Central Luzon, Ilocos Region, Soccsksargen, at Calabarzon (Region 4A).
Gayunman, nilinaw ni Tayag na nananatiling mababa ang bilang ng mga kaso ngayong taon kumpara sa 307 noong 2022.
Aniya, kung magtutuloy-tuloy ang trend ng mga kaso ng mga naputukan ay maaaring hindi na lumagpas ang bilang ng mga ito sa 400 kada taon.
Kaugnay nito, hinikayat nito ang publiko na gumamit na lamang ng ibang pampaingay tulad ng torotot sa pagsalubong sa Bagong Taon upang makaiwas sa anumang aksidente.
