Nagkaloob ang mga pamunuan ng Light Rail Transit Line 2 (LRT-2) at Metro Rail Transit Line 3 (MRT-3) ng libreng sakay sa kanilang mga parokyano nitong Sabado.
Kasabay na rin ito nang paggunita sa ika-127 taong anibersaryo ng pagiging martir ni Dr. Jose Rizal, o mas kilala sa tawag na Rizal Day.
Nabatid na nagsimula ang libreng sakay ng dalawang rail lines ng 7:00AM hanggang 9:00AM.
Muli naman itong ipatutupad mula 5:00PM hanggang 7:00PM mamaya.
National
Bagyong Gener, napanatili ang lakas; malapit na sa WPS
Ang LRT-2 ay bumabagtas mula sa Recto Avenue, sa Maynila hanggang sa Antipolo City at pabalik.
Ang MRT-3 naman ay bumibiyahe sa kahabaan ng EDSA, at siyang nagdudugtong sa Taft Avenue, Pasay City at North Avenue, Quezon City.
