Ibinahagi ng pangulo ng Catholic Bishops’ Conference of the Philippines (CBCP) na si Bishop Pablo Virgilio David ang limang dahilan kung bakit dapat panoorin ng bawat Pilipino ang historical film na “GomBurZa.”
Sa isang pahayag na inulat ng CBCP nitong Huwebes, Disyembre 28, binanggit ni Bishop David na una niyang dahilan ang pagiging “well-researched” ng pelikula.
“It is a well-researched historical film that will bring you back to the first spark of patriotism that forged the ‘Filipino’ identity that eventually united us Tagalogs, Kapampangans, Ilocanos, Cebuanos, natives, mestizos, criollos and all other inhabitants of these 7k+ islands into one nation in the last quarter of the 19th century,” pahayag ni Bishop David.
Ang ikalawa namang rason na binanggit ng obispo ay dahil nilikha ito ng Jesuit Communications Foundation at idinirehe ni Jose Lorenzo “Pepe” Diokno. Inilarawan niya si Diokno bilang isang “world-class film director” na anak ng human rights lawyer na si Chel Diokno at apo ng “great Filipino patriot” na si Ka Pepe Diokno.
Cedrick Juan, inalay ‘Best Actor award’ sa mga Pinoy na nakararanas ng injustice
Ayon pa kay Bishop David, mahalagang panoorin ng mga Pilipino ang “GomBurZa” dahil ito ay kuwento ng tatlong paring Pilipinong martir na sina Padre Jose Burgos, Mariano Gomes, at Jacinto Zamora, mula sa perspektibo ng isang batang saksi: ang dakilang bayaning si Jose Rizal.
“It is a gripping retelling of the story of the martyrdom of these three secular priests from the perspective of a young witness—Jose Rizal y Mercado, who was mentored by his brother Paciano, who in turn was mentored by Padre Jose Burgos, and who, in turn was also mentored by Padre Pedro Pelaez. The adult Rizal would later dedicate his novel El Filibusterismo to the memory of these priests,” saad ni Bishop David.
Samantala, ang ikaapat na binanggit ng obispo na dahilan ay dahil ito raw ay “class A” pagdating sa kalidad ng “film production, acting, directing, screenplay, research, cinematography, sounds, at iba pa.”
Bukod dito, inihayag ni Bishop David ang ikalimang mahalagang dahilan kung bakit daw dapat panoorin ng mga Pilipino ang historical film.
“It will make you appreciate what it truly means to be a ‘Filipino’,” aniya.
Kasama ang “GomBurZa” sa sampung entries ng Metro Manila Film Festival (MMFF) ngayong taon, kung saan ito ang nagsilbing “most awarded film” sa ginanap na Gabi ng Parangal kamakailan.
Naiuwi ng pelikula ang “2nd Best Picture,” “Best Cinematography,” “Best Production Design,” “Best Sound Design,” at “Gatpuno Antonio Villegas Cultural Award.”
Si Diokno rin ang ginawaran bilang “Best Director.”
Naiuwi naman ni Cedrick Juan ang “Best Actor” award dahil sa kaniyang naging pagganap bilang Padre Burgos.
Ang naturang pelikula ay pinagbidahan nina Cedrick bilang Padre Burgos, Enchong Dee bilang Padre Zamora at Dante Rivero bilang Padre Gomes.
https://balita.net.ph/2023/12/24/ricky-lee-nang-mapanood-ang-gomburza-ive-never-felt-more-filipino/
https://balita.net.ph/2023/12/28/listahan-ng-mga-nagwagi-sa-2023-mmff-gabi-ng-parangal/
