Nasawi umano ang kapatid ng stepmother ni Coleen Garcia-Crawford matapos itong saksakin nang mahigit 15 beses ng dati nilang karpintero.

Base sa ulat ng ABS-CBN, inihayag ni Jose Garcia, ang brother-in-law ng biktimang nakilalang si Canice Minica Seming, na nangyari ang insidente dakong 11:50 ng gabi noong Miyerkules, Disyembre 20, sa bahay nito sa Antipolo City.

Nakilala umano ang suspek bilang "Art," ang dating live in partner ng stay-in na kasambahay ng pamilya ng biktima na si Marry Ann Garnica.

Nakipaghiwalay raw si Garnica sa suspek dalawang araw ang nakalilipas. Ito naman ang tinitingnan ng mga pulis na dahilan ng posibleng motibo raw ng suspek sa pagpatay.

Sa pahayag ni Garnica sa mga pulis, napadalhan pa raw siya ng mensahe ng biktima para sabihing nasa bahay nila ang suspek. Pagkatapos nito, nakita na umano niya at ng kapatid ni Seming ang katawan nito na wala nang malay sa kanilang sala.

Kinumpirma rin ni Coleen ang pagpanaw ni Seming at ang insidente sa pamamagitan ng isang Facebook post nitong Sabado, Disyembre 23.

“Two nights ago, he made his way into my dad’s house and stabbed my stepmom’s sister, Canice, to death. She was found to have over 15 stab wounds. He has a record of drug abuse, and is suspected to have been under the influence that night,” ani Coleen sa kaniyang post.

Ayon sa aktres, dating karpintero ng kaniyang ama ang suspek at inalis sa trabaho dahil nalaman daw nito ang paggamit niya ng iligal na droga.

“He used to work as my dad’s carpenter (even used to work on our house), until my dad let him go because he found out about his drug use. His former live-in partner continued to work as a nanny to my little sister and step brother. She left him and blocked him because apparently he’d been constantly threatening her, even saying he plans to kill her seven children. He never threatened my family prior to what happened. Canice had just arrived in my dad’s house, and he showed up looking for his partner, who was at our house at that time with my family,” saad ni Coleen.

“What happened was, and still is, completely devastating for the whole family, most especially for Sey and her family. It’s difficult to find the words, but this man needs to be caught because he still remains to be a threat.

“I feel sick and weak every time I think about the children, who were supposed to be there that same night. They were on the way home from our house when it happened, and the three children were in the car when the body was found. Had their original plans been followed, the children would have been there at that same time,” dagdag pa niya.

Habang sinusulat ito’y hinahanap pa umano ng mga pulis ang suspek.