Mahigit sa 500 pamilyang naapektuhan ng bagyong Egay sa Cordillera Administrative Region (CAR) nitong Hulyo ang binigyan ng Livelihood Settlement Grants (LSG) kamakailan.
Ito ang pahayag ni Department of Social Welfare and Development (DSWD) Assistant Secretary for Legislative Affairs Irene Dumlao nitong Biyernes, Disyembre 22.
Paliwanag ng opisyal, tig-₱20,000 ang tinanggap ng mga nasabing pamilya sa naganap na sunud-sunod na payout activities sa iba't ibang lugar sa CAR nitong Disyembre 15-17.
“The livelihood grant was given to assist the community in recovering their losses and to provide them with financial capital to start up with their livelihood,” ani Dumlao.
National
Dr. Edsel Salvana, nakatanggap ng 'Innovation Excellence Award for Research' mula sa PhilDev
Ang mga benepisyaryo ay mula sa Bauko, Barlig, Besao, Bontoc, Paracelis, Sabangan, at Tadian na kabilang hinagupit ng bagyo nitong huling bahagi ng Hulyo 2023.
“The beneficiaries were mostly farmers and micro-enterprise owners who were hardest hit by the typhoon and whose livelihood and employment were affected,” paliwanag pa ng opisyal.
