"Ang AFP [Armed Forces of the Philippines] ay palaging nakabantay at hindi titigil sa pagsugpo ng lahat ng teroristang grupo na nagdudulot ng kapahamakan sa ating bansa," pahayag ni Department of National Defense (DND) Secretary Gilberto Teodoro, Jr. nitong Linggo.

Nangyari ang sagupaan tatlong linggo matapos bigyan ng amnestiya ni Pangulong Ferdinand Marcos, Jr. ang mga dating kaanib ng mga rebeldeng grupo, kabilang na ang NPA.

Nakiramay na rin si Teodoro sa pamilya ng nasawing sundalo kasabay ng pangako na tutulungan ito ng pamahalaan.

Tiniyak din ni Teodoro na makatatanggap ng financial assistance  ang pamilya ng tatlo pang sundalo na nasugatan sa nasabing sagupaan.

"We are ensuring that our wounded soldiers will receive the best medical care, and provide all the necessary assistance to the family of our slain soldier during this difficult time," anang opisyal.

Nitong Linggo, Disyembre 17, nakasagupa ng tropa ng gobyerno ang grupo ng mga rebelde sa Barangay Malalay, Balayan, Batangas na ikinasawi ng anim na rebelde at isang sundalo.

PNA