Tinanggal na ng Philippine Atmospheric, Geophysical and Astronomical Services Administration (PAGASA) ang Signal No. 2 sa ilang lalawigan sa bansa kasunod na rin ng bahagyang paghina ng bagyong Kabayan nitong Lunes ng hapon matapos bayuhin ang Manay, Davao Oriental.
Isinailalim na lamamg sa Signal No. 1 ang southern portion ng Palawan (Sofronio Española, Brooke's Point, Bataraza, Balabac, Rizal, Quezon, Narra), kabilang na ang Cagayancillo Islands sa Luzon; southern Leyte, Leyte, southern portion ng Samar (Basey, Santa Rita, Marabut, Talalora, Villareal, Pinabacdao), southern portion ng Eastern Samar (Maydolong, City of Borongan, Quinapondan, Guiuan, Lawaan, Balangiga, Llorente, Giporlos, Salcedo, Balangkayan, General Macarthur, Hernani, Mercedes), Cebu, kabilang na ang Camotes Islands, Bantayan Islands, Bohol, Siquijor, Negros Oriental, Negros Occidental at Guimaras sa Visayas.
Kasama rin sa apektado ng bagyo ang Misamis Oriental, Camiguin, Bukidnon, Davao de Oro, northern portion ng Davao Oriental (Baganga, Manay, Caraga, Tarragona, Lupon, Banaybanay, Boston, Cateel), Misamis Occidental, Lanao del Norte, Lanao del Sur, Davao del Norte, Davao City, northern portion of Cotabato (Arakan, Carmen, Banisilan, Alamada, President Roxas, Kabacan, Matalam, Antipas, Magpet, Libungan, Pigkawayan), northern portion ng Maguindanao (Buldon, Barira, Matanog, Parang, Sultan Kudarat, Sultan Mastura), western at central portion ng Zamboanga del Norte (Siayan, Sindangan, Jose Dalman, Manukan, Pres. Manuel A. Roxas, Sergio Osmeña Sr., Katipunan, Dipolog City, Polanco, Mutia, Piñan, Dapitan City, Sibutad, La Libertad, Rizal, Siocon, Baliguian, Gutalac, Labason, Kalawit, Tampilisan, Liloy, Salug, Godod, Bacungan), western at central portion ng Zamboanga del Sur (Midsalip, Labangan, Tukuran, Aurora, Sominot, Ramon Magsaysay, Tambulig, Dumingag, Mahayag, Josefina, Molave, Vincenzo A. Sagun, Guipos, Dimataling, Dumalinao, Lakewood, Dinas, San Pablo, Tigbao, Tabina, Kumalarang, Lapuyan, Pitogo, Margosatubig, San Miguel, Bayog, Pagadian City), Zamboanga Sibugay, Dinagat Islands, Surigao del Norte, Agusan del Norte, Surigao del Sur at Agusan del Sur sa Mindanao.
National
Dr. Edsel Salvana, nakatanggap ng 'Innovation Excellence Award for Research' mula sa PhilDev
Namataan ang bagyo sa bisinidad ng Loreto, Agusan del Sur, dakong 2:00 ng hapon, habang kumikilos pa-Kanluran Hilagang Kankuran sa bilis na 20 kilometer per hour (kph).
Taglay ng bagyo ang hanging 45 kph malapit sa gitna at busgong hanggang 55 kph matapos mag-landfall sa Manay, Davao Oriental dakong 9:30 ng umaga.
Sa pagtaya ng PAGASA, mananatili ang bagyo 125 kilometro mula sa Dipolog City, Zamboanga del Norte ngayong Lunes bago maghating-gabi.
Posible rin itong humagupit sa central o sa southern Palawan sa Martes ng umaga o hapon.
Inaasahang dadaan din ang bagyo sa Kalayaan Islands sa pagitan ng Martes ng gabi at Miyerkules ng umaga bago tuluyang lumabas ng Philippine area of responsibility kinagabihan, ayon pa sa PAGASA.
