Lumakas pa at isa nang ganap na tropical storm ang bagyong Kabayan, dahilan kaya’t itinaas na ang Signal No. 2 sa ilang bahagi ng Mindanao, ayon sa Philippine Atmospheric, Geophysical and Astronomical Services Administration (PAGASA) nitong Linggo ng gabi, Disyembre 17.

Sa ulat ng PAGASA kaninang 11:00 ng gabi, huling namataan ang Tropical Storm Kabayan 275 kilometro ang layo sa Davao City, Davao del Sur.

Taglay nito ang maximum sustained winds na aabot sa 65 kilometers per hour malapit sa sentro at pagbugsong aabot sa 80 kilometers per hour.

Kumikilos umano ang bagyo pa-west northwestward sa bilis na 15 kilometers per hour.

National
4.7-magnitude na lindol, tumama sa Ilocos Norte

4.7-magnitude na lindol, tumama sa Ilocos Norte

Dahil dito, itinaas na ang Signal No. 2 sa mga sumusunod na lugar:

Mindanao:

  • Dinagat Islands

  • Surigao del Norte kabilang na ang Siargao at Bucas Grande Islands

  • Surigao del Sur

  • Northern portion ng Agusan del Norte (Kitcharao, Jabonga, Santiago, City of Cabadbaran, Remedios T. Romualdez, Tubay)

  • Eastern portion ng Agusan del Sur (Trento, Bunawan, San Francisco, Rosario, Prosperidad, City of Bayugan, Sibagat)

  • Northern portion ng Davao Oriental (Boston, Cateel)

“Minor to moderate impacts from gale force winds may occur within any of the areas where Wind Signal No. 2 is hoisted,” anang PAGASA.

Nakataas naman ang Signal No. 1 sa mga sumusunod na lugar: 

Visayas:

  • Southern Leyte

  • Leyte

  • Southern portion ng Samar (Basey, Santa Rita, Marabut, Talalora, Villareal, Pinabacdao)

  • Southern portion ng Eastern Samar (Maydolong, City of Borongan, Quinapondan, Guiuan, Lawaan, Balangiga, Llorente, Giporlos, Salcedo, Balangkayan, General Macarthur, Hernani, Mercedes)

  • Cebu kabilang na ang Camotes Islands

  • Bantayan Islands

  • Boho

  • Siquijor

Mindanao:

  • Dinagat Islands

  • Surigao del Norte

  • Surigao del Sur

  • Northern portion ng Davao Oriental (Cateel, Boston, Baganga, Manay, Caraga)

  • Agusan del Norte

  • Misamis Oriental

  • Camiguin

  • Bukidnon

  • Agusan del Sur

  • Davao de Oro

  • Misamis Occidental

  • Lanao del Norte

  • Lanao del Sur

  • Northern at central portion ng Davao del Norte (Santo Tomas, New Corella, Braulio E. Dujali, City of Panabo, Asuncion, City of Tagum, Talaingod, Carmen, Kapalong, San Isidro)

  • Davao City

  • Northern portion ng Cotabato (Arakan, Carmen, Banisilan, Alamada, President Roxas, Kabacan, Matalam, Antipas, Magpet

  • Northern portion ng Maguindanao (Buldon, Barira, Matanog)

“Minimal to minor impacts from strong winds are possible within any of the areas under Wind Signal No. 1,” dagdag pa ng ahensya.

Base sa track forecast, posibleng mag-landfall ang bagyo sa baybayin ng Surigao del Sur o Davao Oriental ngayong Linggo ng gabi o bukas ng umaga, Disyembre 18, at tatawid sa kalupaan ng Mindanao, bago lumabas sa Bohol Sea o Sulu Sea bukas ng tanghali o gabi.

“KABAYAN is forecast to track generally westward or west northwestward path across the Philippine archipelago over the next two days and is likely to remain a tropical storm until its initial landfall over Mindanao,” saad ng PAGASA.