Bahagyang bumilis ang kilos ng Tropical Depression Kabayan pakanluran sa silangang bahagi ng Mindanao, ayon sa Philippine Atmospheric, Geophysical and Astronomical Services Administration (PAGASA) nitong Linggo ng gabi, Disyembre 17.

Sa ulat ng PAGASA kaninang 8:00 ng gabi, huling namataan ang Tropical Depression Kabayan 290 kilometro ang layo sa East Southeast ng Hinatuan, Surigao del Sur.

Taglay nito ang maximum sustained winds na aabot sa 55 kilometers per hour malapit sa sentro at pagbugsong aabot sa 70 kilometers per hour.

Kumikilos umano ang bagyo pakanluran sa bilis na 10 kilometers per hour.

National
4.7-magnitude na lindol, tumama sa Ilocos Norte

4.7-magnitude na lindol, tumama sa Ilocos Norte

Dahil dito, nakataas ang Signal No. 1 sa mga sumusunod na lugar sa Visayas at Mindanao: 

  • Southern Leyte

  • Leyte

  • Southern portion ng Samar (Basey, Santa Rita, Marabut, Talalora, Villareal, Pinabacdao)

  • Southern portion ng Eastern Samar (Maydolong, City of Borongan, Quinapondan, Guiuan, Lawaan, Balangiga, Llorente, Giporlos, Salcedo, Balangkayan, General Macarthur, Hernani, Mercedes)

  • Cebu kabilang na Camotes Islands

  • Bantayan Islands

  • Bohol

  • Siquijor

Mindanao:

  • Dinagat Islands

  • Surigao del Norte

  • Surigao del Sur

  • Northern portion ng Davao Oriental (Cateel, Boston, Baganga, Manay, Caraga)

  • Agusan del Norte

  • Misamis Oriental

  • Camiguin

  • Bukidnon

  • Agusan del Sur

  • Davao de Oro

  • Misamis Occidental

  • Lanao del Norte

  • Lanao del Sur

  • Northern at central portion ng Davao del Norte (Santo Tomas, New Corella, Braulio E. Dujali, City of Panabo, Asuncion, City of Tagum, Talaingod, Carmen, Kapalong, San Isidro)

  • Davao City

  • Northern portion ng Cotabato (Arakan, Carmen, Banisilan, Alamada, President Roxas, Kabacan, Matalam, Antipas, Magpet)

  • Northern portion ng Maguindanao (Buldon, Barira, Matanog)

Sa track forecast ng PAGASA, posible umanong mag-landfall ang bagyo sa baybayin ng Surigao del Sur o Davao Oriental ngayong Linggo ng gabi o bukas ng umaga, Disyembre 18, at inaasahang tatawid sa kalupaan ng Mindanao, at lalabas sa Bohol Sea o Sulu Sea bukas ng umaga o tanghali.