Nakataas sa Signal No. 1 ang ilang bahagi ng Visayas at Mindanao dahil sa bagyong Kabayan, ayon sa Philippine Atmospheric, Geophysical and Astronomical Services Administration (PAGASA) nitong Linggo ng umaga, Disyembre 17.
Sa ulat ng PAGASA nitong 11:00 ng umaga, huling namataan ang Tropical Depression Kabayan 440 kilometro ang layo sa silangan ng Davao City, Davao del Sur.
Taglay nito ang maximum sustained winds na aabot sa 55 kilometers per hour malapit sa sentro at pagbugsong aabot sa 70 kilometers per hour.
Mabagal itong kumikilos pa-North Northwest.
Apollo Quiboloy, kasama sa initial list ng Comelec sa pagkasenador
Dahil dito, nakataas ang Signal No. 1 sa mga sumusunod na lugar:
Visayas:
- Southern portion ng Samar (Basey, Santa Rita, Marabut, Talalora, Villareal, Pinabacdao)
- Southern portion ng Eastern Samar (Maydolong, City of Borongan, Quinapondan, Guiuan, Lawaan, Balangiga, Llorente, Giporlos, Salcedo, Balangkayan, General Macarthur, Hernani, Mercedes)
- Leyte
- Southern Leyte
- Bohol
- Camotes Islands
Mindanao:
- Dinagat Islands
- Surigao del Norte
- Surigao del Sur
- Agusan del Norte
- Agusan del Sur
- Northern portion ng Davao Oriental (Cateel, Boston, Baganga)
- Northern portion ng Davao de Oro (Monkayo, Laak)
- Misamis Oriental
- Camiguin
- Northern portion ng Bukidnon (Impasug-Ong, Malitbog, Manolo Fortich, Sumilao, Libona, Baungon, Cabanglasan, City of Malaybalay)
“Minimal to minor impacts from strong winds are possible within any of the areas under Wind Signal No. 1,” saad ng PAGASA.
Sa track forecast, posible umanong mag-landfall ang bagyo sa baybayin ng Surigao del Sur o Davao Oriental ngayong Linggo ng gabi o bukas ng madaling araw, Disyembre 18.
