Tila "pinag-aaway" ng mga netizen ang dalawang Sexbomb Girls members na sina Rochelle Pangilinan at Jopay Paguia matapos mag-post ang huli ng kaniyang pagbati sa TVJ kaugnay ng pagkakabawi nila sa isyu ng "Eat Bulaga!" trademark.
Ang Sexbomb Girls ay sumikat na resident dancers ng nabanggit na noontime show. Sa kaniyang Instagram post, sinariwa ni Jopay kung paano sila nagsimula sa noontime show hanggang sa sumikat nang husto at mabigyan pa ng "Daisy Siete" na tumagal din ang airing sa GMA Network.
Naging tulay rin ito upang magkaroon sila ng commercials at iba pang mga raket o side hustles.
Isang kanta pa nga ng bandang Mayonnaise ang ipinangalan sa kaniya dahil sa kasikatan nila noon.
50.78% examinees, pasado sa Nov. 2024 Licensure Exam for Agriculturists
Nagpasalamat din si Jopay sa kanilang manager na si Joy Cancio na siyang gumabay sa kanila.
Kaya nang umalis daw ang TVJ sa TAPE, isa raw sa mga nalungkot ay si Jopay.
Kaya naman, malaki raw talaga ang utang na loob niya sa TVJ, Eat Bulaga, at kay Joy. Kaya naman, nagpaabot ng pagbati si Jopay sa pagkakabawi ng TVJ sa Eat Bulaga trademark.
"Kaya gusto kong i congratulate ang TVJ at ang buong DABARKADS. Dahil ang pangalan na EAT BULAGA malapit ng umuwi sa tunay nyang tahanan. I love you all and i miss you 😘," mababasa sa Instagram post ng dancer-actress.
Sa comment section ay sinabi ng mga netizen na mabuti pa raw siya ay marunong tumanaw ng utang na loob, hindi raw kagaya ni Rochelle Pangilinan.
Nabanggit si Rochelle Pangilinan dahil kamakailan lamang ay pumayag itong mag-guest sa "Eat Bulaga!" na umeere sa GMA Network.
Bagama't sinabi naman ni Rochelle na tumatanaw siya ng utang na loob, nagpasintabi siya sa TVJ at pinalagpas niya ang pitong buwan bago siya pumayag na mag-guest dito, ilang mga netizen ang hindi nagustuhan ang kaniyang ginawa.
Narito ang ilan sa mga reaksiyon at komento ng netizens:
"buti ka pa ms jopay may utang na loob hndi gaya ni rochelle😂 mas hinangaan pa kita❤️ more power to you"
"Very well said, Ms. Jopay. Sana mabasa to nung isang host sa Fake Bulaga 😂"
"Jopay standing by TVJ God bless dabarkads. Soon EAT BULAGA will come home to its real home sweety home."
"Sana ganyan din nag isip c Rochelle 😔"
"Si rochelle walang utang na loob"
MAKI-BALITA: Pag-guest ni Rochelle Pangilinan sa Eat Bulaga, umani ng reaksiyon
Samantala, wala pang tugon, reaksiyon, o pahayag si Rochelle tungkol sa mga sinasabi ng netizen na wala siyang utang na loob kumpara kay Jopay. Bukas ang Balita sa kaniyang panig.
