Sa muling pagbabalik ng taunang ABS-CBN Christmas Special 2023 sa Smart Araneta Coliseum nitong Miyerkules, Disyembre 13, ay muling pagbabalik-kilig din sa fans, supporters, audience at netizens nang muling makitang magkasama sa iisang entablado sina Kathryn Bernardo at Daniel Padilla, o mas sikat sa kolektibong termino na "KathNiel."

Nakagawian na ng Kapamilya Network ang ganitong mga event.

Bago pa man ang ganap na ito, inasahang nakaabang ang mga manonood sa appearance nina Kathryn at Daniel, na matapos ang kumpirmasyon ng hiwalayan, expected na hiwalay na rin silang bubulaga sa mga performance.

Subalit hindi ito ang nangyari at hindi inasahan ng mga manonood na muling magkakasama ang dalawa sa isang performance; inawit nila ang "I’ll Be There For You" ng The Rembrandts. Kilalang theme song ito ng hit American sitcom na "Friends."

ALAMIN: Ano nga ba ang EBET Law na pinirmahan ni PBBM

Maririnig naman ang hiyawan ng audience sa tuwing nagkakalapit ang KathNiel.

Pero mapapansing hindi gaya ng dati, hindi na ganoon ka-sweet ang dalawa sa isa't isa, at wala na ring holding hands, bagay na nakakapanibago raw.

Ngunit hindi pa rin nawawala sa mga mukha nila ang ngiti para sa isa't isa.

Marami naman sa mga netizen ang pumuri sa dalawa, dahil sa kabila raw ng hiwalayan ay makikita pa rin ang professionalism at pagiging civil nila.

Narito ang ilan sa mga reaksiyon at komento:

"Grabe, nakakakilig pa rin silang dalawa!"

"Professionalism ang tawag diyan. Kudos!"

"Nakakapanghinayang itong dalawang ito pero good thing na okay pa silang dalawa bilang co-workers. Professionals."

"Tindi ng hiyaw ko nang makita ko sila... iba pa rin kung sila talaga haha."

MAKI-BALITA: KathNiel ‘nagkabalikan’ sa ABS-CBN Christmas Special 2023

Aliw naman ang ilang mga netizen na mabilis na nagawan ng memes ang tagpong ito.

Gaya na lamang ng netizen na si Rhadson Mendoza kung saan ibinahagi niya ang edited photo ni Kathryn na kunwari ay shuma-shot puno matapos ang break-up nila ni Daniel. May caption itong "Yung tropang pinayuhan mo ng sobrang haba."

Ang isang litrato naman, kuha mula sa muling pagkikita ng dalawa sa nabanggit na ABS-CBN event.

"Sila ng ex niya kinabukasan," mababasang caption naman dito.

Tila marami naman sa mga netizen ang naka-relate sa kaniyang post. Marami raw silang mga kakilalang ganito.

Pero paglilinaw lamang, hindi pa nagkabalikan in real life as a couple ang KathNiel ha!