Niyanig ng magnitude 6.8 na lindol ang probinsya ng Surigao del Sur nitong Lunes ng madaling araw, Disyembre 4, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan dakong 3:49 ng madaling araw.
Namataan ang epicenter nito 67 kilometro ang layo sa hilagang-silangan ng Cagwait, Surigao del Sur, na may lalim na 1 kilometro.
Itinaas ang Intensity V sa Cagwait, SURIGAO DEL SUR.
OVP, gumastos umano ng ₱16M sa loob ng 11 araw noong 2022
Naiulat naman ang Intensity IV sa Tarragona, DAVAO ORIENTAL; City of Tandag, SURIGAO DEL SUR; habang Intensity III sa CITY OF ILIGAN; CITY OF CAGAYAN DE ORO; Banaybanay, Lupon, at City of Mati, DAVAO ORIENTAL.
Samantala, naitala ang Instrumental Intensities sa mga sumusunod na lugar:
Intensity IV - Abuyog, LEYTE; Hinunangan, SOUTHERN LEYTE; City of Gingoog, MISAMIS ORIENTAL; Nabunturan, DAVAO DE ORO; City of Surigao, SURIGAO DEL NORTE; City of Bislig, at City of Tandag, SURIGAO DEL SUR
Intensity III - Quinapondan, EASTERN SAMAR; Dulag, Hilongos, Kananga, at Mahaplag, LEYTE; Sogod, SOUTHERN LEYTE; Libona, City of Malaybalay, at San Fernando, BUKIDNON; Magsaysay, MISAMIS ORIENTAL; CITY OF CAGAYAN DE ORO; City of Digos, DAVAO DEL SUR; CITY OF DAVAO; Malungon, SARANGANI; Columbio, SULTAN KUDARAT; City of Cabadbaran, AGUSAN DEL NORTE
Intensity II - Argao, at Danao City, CEBU; Can-Avid, EASTERN SAMAR; Alangalang, Albuera, Burauen, Carigara, Javier, Leyte, at Palo, LEYTE; ORMOC CITY; City of Catbalogan, SAMAR; Malitbog, and San Juan, SOUTHERN LEYTE; City of Dapitan, ZAMBOANGA DEL NORTE; Kadingilan, at Maramag, BUKIDNON; Initao, MISAMIS ORIENTAL; Magsaysay, at Matanao, DAVAO DEL SUR; Don Marcelino, DAVAO OCCIDENTAL; City of Kidapawan, Magpet, at President Roxas, COTABATO; Alabel, SARANGANI; Tampakan, at Tupi, SOUTH COTABATO; CITY OF GENERAL SANTOS
Intensity I - Talibon, BOHOL; Asturias, at City of Talisay, CEBU; Naval, BILIRAN; Calubian, Isabel, at Villaba, LEYTE; Rosario, NORTHERN SAMAR; Basey, at Villareal, SAMAR; Padre Burgos, SOUTHERN LEYTE; Molave, ZAMBOANGA DEL SUR; Banisilan, and Carmen, COTABATO; Glan, Kiamba, at Malapatan, SARANGANI; Norala, Polomolok, Santo Niño, Surallah, at T'Boli, SOUTH COTABATO; Lambayong, at President Quirino, SULTAN KUDARAT
Posible umanong magkaroon ng aftershocks ang lindol, ngunit hindi umano inaasahang magdudulot ng pinsala ang nasabing pagyanig.
Matatandaang noong Sabado, Disyembre 2, niyanig din ng magnitude 7.4 na lindol, na unang itinaas ng ahensya sa magnitude 6.9, sa Hinatuan, Surigao del Sur bandang 10:37 ng gabi.
