Matapos umugong ang balitang hiwalay na ang Kapuso couple na sina Kate Valdez at Yasser Marta, sumalang ang huli sa programang “Fast Talk with Boy Abunda” nitong Martes, Nobyembre 28.
Sa isang bahagi ng panayan, natanong ni Abunda kung anong mas pipiliin ni Yasser sa dalawa: nanay o girlfriend.
“Sa ngayon, Tito Boy, nanay. Nanay talaga,” sagot ni Yasser.
“May kinalaman ba ang nanay noong paghihiwalay n’yo ni Kate?” usisa pa ng “Asia’s King of Talk”.
UP, top university pa rin sa Pinas; Iba pang paaralan sa bansa, pasok sa Asian ranking!
Tugon ng aktor: “Siguro malaking factor din, Tito Boy. Kasi na-stroke si Mama, e. ‘Yung buong oras ko, kung hindi sa work, sa nanay ko po.”
“In other words, time became the problem in your relationships?” saad pa ni Abunda.
Tumango naman si Yasser: “Yes.”
Pero sa kabila ng nangyari, wala naman daw sinisisi si Yasser.
Dagdag pa ng aktor, unang pagkakataon umanong nangyari ang ganito sa buhay niya. Mula pagkabata, kasama na niya ang kaniyang ina. Inaalagaan siya.
“Ngayon, nag-360 ‘yung buhay ko, Tito Boy. Ako naman ‘yung nag-aalaga sa nanay ko. Mas makakabuti” ani Yasser.
Sa kasalukuyan, hindi umano nag-uusap sina Yasser at Kate.
MAKI-BALITA: Yasser Marta, Kate Valdez hiwalay na
