Nagpahayag ng pagluluksa ang Department of Health (DOH) nitong Sabado, Nobyembre 25, sa pagpanaw ni dating DOH Undersecretary Camilo Pancratius Cascolan.

“Kasama ang buong Kagawaran ng Kalusugan (DOH) sa pagpapaabot ng pakikiramay sa pagpanaw ni Department of Health - Undersecretary, Camilo Pancratius P. Cascolan,” pahayag ng DOH.

“Nawa'y manatili ang masasayang alaala ng isang pinuno, ama at kaibigan sa lahat ng kaniyang nakadaupang palad,” dagdag pa nito.

Sa isang Facebook post, kinumpirma ni Jiro Cascolan, anak ng dating DOH undersecretary, na namaalam ang kaniyang ama sa edad na 59 nitong Biyernes, Nobyembre 24, dakong 5:28 ng hapon, habang katabi ang kaniyang mga mahal sa buhay.

“My dad dedicated his life to serving and protecting our country as a man of service for 42 years. We will forever remember his unwavering dedication to his duty, his selflessness, and his love for his family. His loss leaves a void that can never be filled, but we find solace in knowing that his memory will live on through the countless lives he touched,” saad ng anak ni Cascolan sa nasabing post.

“He will forever remain in our hearts as a shining example of courage, dedication, and love. May his soul rest in eternal peace. More details on the visitation service to honour and celebrate his life will follow,” dagdag pa niya.

Bukod sa pagiging DOH undersecretary, naging hepe rin umano si Cascolan ng Philippine National Police mula Setyembre hanggang Nobyembre 2023.