Ni-reveal ni Miss Universe 2016 Iris Mittenaere, na isa sa mga judge ng 72nd Miss Universe na ginanap sa El Salvador, na kasama ang pambato ng Pilipinas na si Michelle Dee sa kaniyang Top 5.
Sinabi ito ni Iris matapos siyang tanungin ng isang netizen, sa pamamagitan ng comment section ng isa niyang Instagram post, hinggil sa deleted art card ng Miss Universe El Salvador tungkol sa Top 5, kung saan kasama si Michelle.
Matatandaang naging hot topic sa social media ang naturang screenshot ng deleted art card, dahil base sa pinalit na post ng Miss Universe El Salvador, biglang nawala si Michelle at pumalit naman sa spot niya si Miss Thailand.
‘Something fishy?’ Rhian, ni-repost trending art card ng MU Top 5 na kasama PH
Sagot naman ni Iris sa netizen, wala siyang idea sa nasabing deleted post, ngunit sinabi rin niyang kasama si Michelle sa kaniyang Top 5.
“I have no idea about a deleted post or something. As judges, everything was fair and legal. But to be honest Michelle was in my top 5,” ani Iris sa kaniyang Instagram.
Binanggit din ng French beauty queen na si Michelle ang perfect representative ng Pilipinas kaya’t dapat daw maging proud ang mga Pilipino sa kaniya.
“I loved her style in evening gown and I love her style since I saw her in the Philippines almost 3years ago. She didn’t do any mistakes, so the Philippines should be very proud of her 🫶🏻. She is beautiful, kind, classy .. the level was really high this year, when you see the girls who didn’t make it to the top5, there is a lot of amazing contestants,” saad ni Iris.
“I know that Michelle is very sweet and please give her a lot of love because she deserves it. She is the perfect representative for the Philippines 🇵🇭 sweet, kind, true, classy, and hard worker. I hope to see her very soon 🫶🏻,” dagdag pa niya.
Matatandaan namang naglabas na ng official statement ang Miss Universe El Salvador hinggil sa nasabing deleted Top 5 art card na una nilang inilabas.
Natapos ang journey ni Michelle sa 72nd Miss Universe bilang Top 10 finalist, kung saan inirampa niya ang isang gown na tribute sa legendary Filipina tattoo artist na si Apo Whang-Od.
Ang pambato naman ng Nicaragua na si Sheynnis Palacios ang siyang kinoronahan bilang Miss Universe 2023.
