Magsasama ang dalawang “Karate Kid” stars na sina Ralph Macchio at Jackie Chan para sa reboot ng nasabing pelikula.
Sa inilabas na video ng “The Karate Kid” sa kanilang official Facebook page nitong Miyerkules, Nobyembre 22, magkasamang inanunsiyo nina Jackie at Ralph na naghahanap umano sila ng bagong bibida sa bagong proyekto.
“We starring in a new ‘Karate Kid’ movie together,” ani Ralph.
“That’s big news,” sabi naman ni Jackie, “but we have bigger news than that. We’re looking for the next ‘Karate Kid’.”
Dalawang Tulfo brothers, nanguna sa survey ng senatorial race
Sa huli, hinikayat nilang bisitahin ng mga interesadong mag-audition bilang “Li Fong” ang karatekidcasting.com para sa iba pang detalye.
Matatandaang si Ralph ang bumida sa kauna-unahang “Karate Kid” movie bilang “Daniel Larusso” noong 1984 kasama ang namayapang aktor na si Pat Morita na ginampanan ang karakter ni “Mr. Miyagi”. Nasundan pa ito ng dalawa pang pelikula noong 1986 at 1989.
Samantala, ginampanan naman ni Jackie ang karakter ni “Mr. Han” sa reboot ng “Karate Kid” noong 2010 kung saan niya naman nakasama si Jaden Smith na gumanap bilang “Dre Parker”.
Nakatakda umanong ipalabas ang bagong “Karate Kid” sa Disyembre 2024.
