Nagpaabot ng pagbati si Kapuso star Gabbi Garcia kay Miss Universe Philippines 2023 Michelle Dee.
Sa Instagram story ni Gabbi nitong Linggo, Nobyembre 19, makikita ang larawan niya kasama si Michelle kalakip ang mensahe para dito.
“Proud of you, my kambal!!! You did so well!!! Grabe!!! I was cheering for you on top of my lungs!!!!!” saad ni Gabbi.
50.78% examinees, pasado sa Nov. 2024 Licensure Exam for Agriculturists
Mayroon kasing pagkakahawig ang dalawa kaya kambal ang tawag ni Gabbi kay Michelle. Bukas din umano si Gabbi sa pagsali sa mga pageant dahil pangarap niya rin ang maging beauty queen.
"When the right time comes that I'm able to join, I will allot a year, at least a year to prepare for it," saad ni Gabbi sa isang online press interview noong Setyembre.
Samantala, bagama’t hindi nakapasok sa Top 5, kayang-kaya naman umanong lamunin ni Michelle ang Question and Answer portion ng nasabing pageant ayon sa mga netizen.
MAKI-BALITA: Michelle Dee kayang-kaya raw lamunin mga tanong sa Q&A
