Inamin ni actress-beauty queen Megan Young na hindi umano niya inaasahang tagurian siya ng mga tao bilang “Best Miss World”.
Sa panayam kasi ng kaniyang kapuwa beauty queen na si MJ Lastimosa, naitanong kay Megan kung paano niya umano nama-manage na tawaging “Best Miss World”.
“Actually, ‘di ko naman ine-expect talaga na ‘yun ‘yung magiging tagline na parang ‘I’ll be the ‘Best Miss World’ ever. Siyempre, ‘pag may nagawa kang accomplishment, gusto mo na magawa mo ‘yung hanggang sa kaya mo.” saad ni Megan.
Dagdag pa niya: “And sa totoo lang, nag-enjoy lang talaga ako. I enjoy it into the fullest.”
Libreng toll fee sa NLEX,SCTEX at iba pang expressway, ipatutupad sa Pasko at Bagong Taon
Bagama’t may mga hinihiling umano siya na sana’y nagawa niya pa noong mga panahong iyon, ipinapaalala niya na lang sa sarili na sobrang bata pa niya noon.
“23 pa lang ako. Wala pang masyadong alam sa mundo,” sabi ni Megan.
Pasubali naman ni MJ: “But you look like you really know what you’re doing.”
“Di ba,” sagot ni Megan, “you have to fake it until you make it sometimes.
“And kahit na feeling ko medyo lost ako noong mga panahon na ‘yun, I really tried to learn as much as I could,” saad pa niya.
Matatandaang si Megan ang kauna-unahang Pinay na kinoronahan bilang Miss World 2013.
