Nangako si Department of Agriculture (DA) Secretary Francisco Tiu Laurel, Jr. nitong Lunes na lilibot ito sa iba't ibang lugar upang alamin ang sitwasyon ng mga magsasaka at mangingisda sa bansa.
Sa pulong balitaan sa DA headquarters pagkatapos ng flag-raising ceremony nitong Nobyembre 6, binanggit na layunin nitong maiangat ang produksyon ng pagkain at gawing makabago ang sektor ng agrikultura.
“Sa mga susunod na araw iikot po ako sa halos lahat ng probinsya at kakausapin ko diretso ang mga farmer and fishermen. Gusto kong marinig ng personal kung ano ‘yung kailangan nila, ano ‘yung hinaing nila at ano ‘yung nakikita nilang vision nila. Gusto kong makita ang kalagayan nila ," aniya.
National
PBBM, may napipisil nang kapalit ni Abalos bilang kalihim ng DILG
Aniya, kabilang sa kautusan ni Pangulong Ferdinand Marcos, Jr. na makamit ang food security, mabawasan ang pag-aangkat at maiahon sa kahirapan ang mga magsasaka, mangingisda sa pagtatapos ng termino nito sa 2028.
“By modernizing the agriculture sector, we could make it a more profitable venture and attract a younger generation that would ensure the country’s food security in the decades to come,” dagdag pa ng opisyal.
