Dalawang doktor na Pinoy ang kabilang sa unang grupo ng mga evacuee na inaasahang makalalabas ng Gaza Strip, ayon sa Department of Foreign Affairs (DFA).
"The first to be allowed out would be members of international organizations. That includes the two Filipino doctors working with Doctors Without Borders," ani DFA Undersecretary Eduardo Jose De Vega.
Inilabas ni De Vega ang pahayag kasunod na rin ng inilabas na ulat ng Reuters na nagsasabing namamagitan na ang Qatar sa pag-uusap ng Israel, Egypt at Hamas upang payagang makaalis ng Gaza Strip ang foreign passport holders at mga nasugatan sa giyera.
Tiniyak naman ni De Vega sa mga Pinoy na naghihintay pa rin sa nasabing border na mauuna silang payagang makalabas dahil nakikipag-usap na sila sa Egypt sa pamamagitan ng Philippine Embassy sa Cairo.
PNA
