National
PUP nagbukas na rin ng klase para sa female PDLs ng Manila City Jail
Iniutos ng Office of the Ombudsman ang pagsibak kay Department of Agriculture (DA) Assistant Secretary for Consumer Affairs Kristine Evangelista kaugnay ng umano'y maanomalyang pagbili ng sibuyas para sa Kadiwa store.
Sa desisyong ikinalat sa mga mamamahayag nitong Biyernes, binanggit ng anti-graft agency na napatunayang nagkasala si Evangelista sa reklamong "grave misconduct at conduct prejudicial to the best interest of service.”
Dahil dito, hinatulan ito ng Ombudsman ng pagkakatanggal sa serbisyo.
Matatandaang pinatawan ng anim na buwan na suspensyon si Evangelista nitong Agosto dahil sa paglabag sa Republic Act 3019 at Procurement Law na bunsod ng kakapusan ng suplay ng sibuyas sa merkado at umano'y pagmanipula sa presyo at kuwestiyunableng pagbili ng sibuyas sa Bonena Multi-Purpose Cooperative.
Sinuspindi rin sina DA Administrative Officer V Eunice Biblanias, DA OIC-Chief Accountant Lolita Jamela, Food Terminal Inc. (FTI) Vice President for Operations John Gabriel Benedict Trinidad III, at FTI Budget Division Head Juanita Lualhati.
Bukod pa sa mga natukoy na opisyal, nahaharap din sina DA Senior Undersecretary Domingo Panganiban at FTI President Robert Tan, sa kasong grave misconduct, gross neglect of duty, at conduct prejudicial to the best interest of the service kaugnay ng usapin.
Kaagad namang itinanggi ni Evangelista ang alegasyon at sinabing hindi siya corrupt na opisyal ng pamahalaan.
