Rep. Duterte sa pagkaso ni Castro sa kaniyang ama: ‘Huwag balat-sibuyas’-Balita

Nag-react si Davao City 1st District Rep. Paolo Duterte sa pagkaso ni ACT Teachers party-list Rep. France Castro sa kaniyang amang si dating Pangulong Rodrigo Duterte.

Matatandaang sinampahan ng kasong kriminal ni Castro si dating Pangulong Duterte noong Martes, Oktubre 24.

Ito ay kaugnay umano ng naging “death threats” ng dating Pangulo sa isang panayam ng SMNI, kung saan sinabi nitong gagamitin ng kaniyang anak na si Vice President Sara Duterte ang confidential at intelligence funds (CIF) nito para sa Reserve Officers’ Training Corps (ROTC) at upang ihinto umano ang communist insurgency sa bansa.

“Pero ang una mong target sa intelligence fund mo, ‘kayo, ikaw, France (Castro), kayong mga komunista ang gusto kong patayin,” ani dating Pangulong Duterte kamakailan.

https://balita.net.ph/2023/10/12/ex-pres-rodrigo-duterte-nagpatutsada-kay-rep-castro/

Samantala, giit ni Rep. Duterte, bagama’t may karapatan umano ang lahat na magsampa ng kaso, huwag daw dapat maging “balat-sibuyas” ang mga public servant.

"We all have the right to file a complaint against anyone in court. But public servants should not be onion-skinned and should not make use of this right as a tool to silence critics. The former president has received much harsher and humiliating criticisms in the past but never filed a case against anyone," pahayag ni Rep. Duterte nitong Miyerkules, Oktubre 25.

Binigyang-diin ni Rep. Duterte na nakatanggap daw ang dating pangulo ng mas malalang mga “kritisismo” ngunit hindi raw ito nagsampa ng kaso.

"As public servants, we all are under scrutiny by the Filipino people. If the former President has said something that threatened her (Rep. Castro), then maybe she should come out clean. ‘Di ‘yung nagtatago tayo sa likod ng so-called ‘right’ na ito," saad ni Rep. Duterte.

“As a congressman myself, madami din akong alam sa maka-kaliwang mga party-list representatives. Tigilan na lang natin ang kadramahan at pagpapa-media,” dagdag pa niya.

Isa si Castro sa mga mambabatas na bumatikos sa confidential funds ni VP Duterte.

https://balita.net.ph/2023/10/05/castro-pinatutsadahan-pagdepensa-ni-vp-sara-sa-confidential-funds/

Samantala, kamakailan lamang ay nagdesisyon ang Kamara na alisin ang 2024 confidential funds ng limang mga ahensya ng gobyerno, kabilang na ang Office of the Vice President (OVP) at Department of Education (DepEd) na parehong pinamumunuan ni VP Duterte.

https://balita.net.ph/2023/10/10/confidential-funds-ng-5-govt-agencies-inalis-ng-kamara-quimbo/

Taga-Lanao del Norte, wagi ng ₱37.4M jackpot prize sa SuperLotto 6/49

Isang taga-Lanao del Norte ang pinalad na makapag-uwi ng ₱37.4 milyong jackpot prize ng SuperLotto 6/49 na binola ng Philippine Charity Sweepstakes Office (PCSO) nitong Linggo ng gabi.Sa abiso ng PCSO nitong Lunes, nabatid na matagumpay na nahulaan ng jackpot winner ang winning combination na 20-32-29-31-01-22 kaya’t naiuwi nito ang katumbas na premyong ₱37,462,798.Nabili umano ng lucky...

3 magkakapatid, patay sa aksidente; pamilya ng mga biktima, nanawagan ng tulong

Usap-usapan sa social media ang Facebook post ng isang nagdadalamhating ina matapos umanong sabay-sabay na pumanaw ang kaniyang tatlong anak.Sa naturang post ni Myla Santillana noong Oktubre 20, 2024, kalakip ang isang larawan, makikita ang kaniyang pagluluksa sa tatlong anak.“Patawarin ninyo sana si Mama sa lahat lahat mga anak ko. Walang kasing sakit. Mahal na mahal ko kayo,” saad ni...

Mula WPP: Apollo Quiboloy, nais nang tumakbong senador bilang ‘independent’

Sa gitna ng kontrobersiya sa partidong Workers' and Peasants' Party (WPP), ninais na ni Pastor Apollo Quiboloy na tumakbong senador sa 2025 midterm elections bilang “independent.”Nitong Lunes, Oktubre 21, nang isumite ng abogado ni Quiboloy na si Atty. Mark Tolentino sa Commission on Elections (Comelec) ang kanilang hiling na kumandidato ang pastor bilang independent at hindi na sa...