Ilang bahagi ng bansa, posibleng ulanin dahil sa amihan, shear line

By MJ Salcedo

October 22, 2023

In BALITA

Inaasahang makararanas ng mga pag-ulan ang ilang bahagi ng bansa ngayong Linggo, Oktubre 22, dahil sa northeast monsoon o amihan at shear line, ayon sa Philippine Atmospheric, Geophysical and Astronomical Services Administration (PAGASA).

Sa tala ng PAGASA dakong 4:00 ng madaling araw, inaasahang magdudulot ang shear line ng maulap na kalangitan na may kasamang kalat-kalat na pag-ulan sa Metro Manila, Camarines Norte, Central Luzon, at CALABARZON.

Malaki naman ang tsansang magdala ng maulap na kalangitan na may kasamang mga pag-ulan ang amihan sa Kalinga, Apayao, at Cagayan Valley.

Bukod dito, inaasahang magdadala rin umano ang amihan ng maulap na kalangitan na may kasamang katamtamang pag-ulan sa Ilocos Region at mga natitirang bahagi ng Cordillera Administrative Region (CAR).

Pinag-iingat ng PAGASA ang mga nasabing lugar sa posibleng pagbaha o kaya nama’y pagguho ng lupa tuwing magkakaroon ng malalakas na pag-ulan.

Samantala, inihayag din ng PAGASA na posibleng makaranas ng medyo maulap hanggang sa maulap na may kasamang isolated rainshowers o thunderstorms ang mga natitirang bahagi ng bansa dahil sa localized thunderstorms.

Posible umano ang pagbaha o kaya nama’y pagguho ng lupa sa mga nasabing lugar tuwing magkakaroon ng malalakas na thunderstorms.

Kiko Pangilinan, nanawagang imbestigahan ang ticket scalping sa bansa

Ipinanawagan ni senatorial aspirant Kiko Pangilinan na imbestigahan at isulong din daw ang batas sa tungkol sa lumalaganap na scalpers, partikular na sa bentahan ng concert tickets.Sa isang X post nitong Lunes, Oktubre 21, 2024, sinimulan ni Pangilinan ang naturang panawagan na kaniyang iniugnay na nalalapit umanong concert ng 2NE1.“Nanawagan tayo na imbestigahan ang mga scalper sa nalalapit na...

‘Nanununtok nga 'yan ‘pag nagalit!’ VP Sara ‘di plastik na tao, pagtatanggol ni Sen. Bato

“At least the Vice President is truthful enough and honest enough…”Pinagtanggol ni Senador Bato dela Rosa si Vice President Sara Duterte na naglabas kamakailan ng magkakasunod na patutsada laban kay Pangulong Ferdinand “Bongbong” Marcos Jr.Matatandaang sa isang press conference noong Biyernes, Oktubre 19, tahasang sinabi ni Duterte na gusto niyang pugutan ng ulo si Marcos dahil daw sa...

Taga-Lanao del Norte, wagi ng ₱37.4M jackpot prize sa SuperLotto 6/49

Isang taga-Lanao del Norte ang pinalad na makapag-uwi ng ₱37.4 milyong jackpot prize ng SuperLotto 6/49 na binola ng Philippine Charity Sweepstakes Office (PCSO) nitong Linggo ng gabi.Sa abiso ng PCSO nitong Lunes, nabatid na matagumpay na nahulaan ng jackpot winner ang winning combination na 20-32-29-31-01-22 kaya’t naiuwi nito ang katumbas na premyong ₱37,462,798.Nabili umano ng lucky...