National
PUP nagbukas na rin ng klase para sa female PDLs ng Manila City Jail
Dismayado si Western Command (WesCom) commander, Vice Admiral Alberto Carlos sa isa na namang insidente ng pangha-harass ng Chinese Navy sa resupply mission ng Philippine Navy (PN) sa Rizal Reef station (Commodore Reef) kamakailan.
Sa social media post ng PN, ang insidente ng mapanganib na pagmamaniobra ay naganap nitong Biyernes, Oktubre 13, 5.8 nautical miles o mahigit 10 kilometro timog kanluran ng Pag-asa Island.
"These [dangerous] maneuvers pose significant risks to maritime safety, collision prevention, and danger to human lives at sea. China must immediately halt these unsafe actions and conduct themselves in a professional manner by adhering to international law," ani Carlos.
Sa nasabing insidente, ilang beses na naglabas ng radio challenge ang BRP (Barko ng Republika ng Pilipinas) Benguet sa barko ng People's Liberation Army Navy (PLAN) ng China dahil nasa 73.2 metro na lamang ang layo nito sa mga ito.
Sa kabila ng babala ng mga tauhan ng PN, nagsagawa pa rin ng mapanganib na pagmamaniobra ang barko ng PLAN bago lumayo.
Kaugnay nito, nanawagan naman si Armed Forces of the Philippines (AFP) Chief of Staff, Gen. Romeo Brawner, Jr., sa China na itigil na ang mga delikadong pagmamaniobra laban sa tropa ng pamahalaan.
“These dangerous and offensive maneuvers by China's PLAN not only risk collision but also directly endanger the lives of maritime personnel from both sides. The AFP remains committed to ensuring the safety of its personnel during RoRe missions and asserts that it will continue to adhere to the rules-based international order,” pahayag pa ni Brawner.
