Binigyang-pugay ni French Ambassador to the Philippines Marie Fontanel si Angelyn Aguirre, ang Pinay nurse na nasawi matapos niyang hindi iwan ang kaniyang pasyente sa gitna ng pag-atake ng Hamas sa Israel noong nakaraang linggo.

Sa isang X post, tinawag ni Fontanel si Aguirre na “caring and loving angel.”

“Angeline is what her name meant from the day she was born. She was a caring and loving angel for Nira (pasyente ni Aguirre),” pahayag ni Fontanel.

“She is now a God angel because deciding to stay with her she was the victim the brutal horrifying inhuman violence of the terrorist Hamas. She is the face of (the Philippines),” dagdag pa niya.

Internasyonal

2 Pinoy, patay sa Israel-Hamas war

Nagpahayag din ng pakikiramay ang envoy sa mga Pilipino dahil sa tatlong Pinoy na naging biktima sa nagpapatuloy na giyera sa pagitan ng Israel at militant group na Hamas.

“I present my sincere condolences to the (Filipino) people for the 3 victims of the terrorist attacks in (Israel),” ani Fontanel.

“The memory of Angeline, as a symbol of this tragedy but above all of the Filipino love, smile, care and courage will remain deeply alive,” saad pa niya.

Matatandaang noong Miyerkules, Oktubre 11, nang kumpirmahin ni Department of Foreign Affairs (DFA) Secretary Enrique Manalo ang pagkasawi ng dalawang Pilipino sa Israel, kabilang na si Aguirre.

Samantala, kinumpirma naman ni DFA Undersecretary Eduardo Jose de Vega noong Biyernes, Oktubre 13, ang pagkasawi ng ikatlong Pilipino na naging biktima ng naturang giyera.