Pinatamaan ni Albay 1st district Rep. Edcel Lagman si Vice President at Department of Education (DepEd) Secretary Sara Duterte sa kaniyang pahayag hinggil sa pagdiriwang ng World Teachers’ Day ngayong Huwebes, Oktubre 5.
"On World Teachers’ Day, we should be reminded that schools are temples of knowledge not arenas of surveillance,” giit ni Lagman.
"The secretary of education must be a teacher, not a centurion,” saad pa niya.
Si Duterte ang kasalukuyang kalihim ng DepEd.
VP Sara: ‘Ang kumokontra sa confidential funds ay kumokontra sa kapayapaan’
Ang naturang pahayag ni Lagman ay nangyari isang araw matapos depensahan ni Duterte ang confidential funds ng kaniyang tanggapan.
Ayon kay Duterte, mahalaga ang confidential funds para umano sa “seguridad” ng bansa.
“Confidential funds play a vital role in maintaining security by providing the necessary resources to address unforeseen challenges swiftly and decisively,” pahayag ni Duterte.
“Makinig kayo sa lahat ng sinasabi sa palibot ninyo at tandaan ninyo, kung sino man ang kumokontra sa confidential funds ay kumokontra sa kapayapaan. Kung sino ang kumokontra sa kapayapaan ay kalaban ng bayan,” saad pa niya.
