Pinatulan ng motivational speaker na si Rendon Labador si showbiz columnist Cristy Fermin sa patutsada nito sa kaniya kamakailan.

Tugon ni Rendon sa kaniyang Facebook story na may quote card ni Cristy: “Itong multo na ito, ayaw akong tigilan, pasalamat ka nagbago na ako kung hindi ibabalik kita sa hukay”.

“Nagbago na nga ako, may masasabi pa rin? Palibhasa hindi ka na nadidiligan,” dagdag pa niya sa isang hiwalay na Facebook story.

Matatandaang hindi ito ang unang beses na nagpasaring si Rendon laban sa showbz columnist.

National

VP Sara sinabing si Romualdez ang gustong pumatay sa kaniya

MAKI-BALITA: Rendon goosebumps kay Cristy: ‘Buhay pa pala ‘yan… akala ko talaga patay na ‘to’

Matapos kasing mapag-usapan ang tungkol sa “lubid” issue na kinasangkutan ng E.A.T. host Joey De Leon sa isang episode ng programang “Showbiz Now Na”, biglang binanggit ng co-host ni Cristy na si Wendell Alvarez na nagustuhan umano nito ang sinabi ni Rendon tungkol sa nasabing isyu; na matapos umanong pagkaisahan si Rendon, dito rin pala lalapit ang mga tao para sitahin si Joey.

Pero agad ding inawat ni Cristy si Wendell sa pagsasalita dahil nagpapapansin lang umano si Rendon.

Kaya ang sey ni Cristy sa kapuwa host, ‘wag nang paglaanan pa ng panahon ang motivational speaker dahil sayang lang umano sa oras.

MAKI-BALITA: Isang ‘tolongges’ tinalakan ni Cristy Fermin: ‘Mahilig kang makisawsaw!’

Dagdag pa niya: “Unang-una walang naghahanap sa kaniya. Maraming maligaya na nawala siya. Hindi siya hihingan ng opinyon kung ang ibibigay lang naman niya ay kontra sa buong mundo. Hindi ka hahanapin”.

Pero kamakailan lang ay bumalik na ulit ang Facebook account ni Rendon ilang araw matapos umere ang nasabing episode ng programa nina Cristy.

Sa kasalukuyan, wala pang pahayag o reaksiyon ang showbiz-columnist sa ibinatong tugon ni Rendon sa kaniya.