Muling gumawa ng kasaysayan ang World Winner dog na si Dalbong matapos siyang kilalanin bilang first-ever “Paw of Fame” awardee ng Eastwood City.
Sa Facebook post ng fur parent na si Wency Villanueva, inihayag niya ang kaniyang kasiyahan sa natanggap na parangal ng kaniyang 4-year old Pembroke Welsh corgi na si Dalbong.
“It is an honor to be given the opportunity to have and to be given this type of recognition. Thank you for acknowledging our humble success.🙏🏻,” ani Villanueva.
“All the hard work we've put in from the very start until this moment, with our beloved Dalbong, has truly paid off.”
‘Congrats, Dalbong!’ Pinoy Corgi, wagi sa World Dog Show 2023
“His paw prints will remain forever and visible to everyone,” saad pa niya sa isang post.
Kaugnay nito, dadalo umano sina Villanueva at Dalbong sa darating na Royaltea Pawty Pet Blessing sa Linggo, Oktubre 1, 2023.
Matatandaang hinirang si Dalbong bilang “World Winner” at “Best of Breed” awards sa ginanap na World Dog Show 2023 sa Geneva, Switzerland kamakailan.
Nakatunggali umano ni Dalbong sa nasabing World Dog Show ang iba pang 131 corgis, 1,592 herding dogs at 55 herding dogs breed winners.
