Usap-usapan sa social media ang isang TikTok video kung saan makikita sina Ricci Rivero at Leren Mae Bautista habang magkahawak-kamay at game na nagpapa-picture sa mga netizen na nag-request na kuhanan sila ng litrato, habang nasa tila amusement park sila.
"Who are we to judge? 👀" mababasa sa caption ng TikTok user na si @memememe.meow. "credits to the rightful owner of this video. #ricci #riccirivero #leren #lerenmaebautista #lerenmae #losbaños #bagonglosbaños #losbañoslaguna #fyp," dagdag pa niya.
Sa isa pang TikTok video, mababasa ang caption na "Photos of Leren Mae Bautista and Ricci Rivero, September 23,2023 at Los Baños Laguna."
50.78% examinees, pasado sa Nov. 2024 Licensure Exam for Agriculturists
Ibinahagi rin ang kopya ng TikTok video na ito sa X at Facebook page na "Kapamilya Online World."
Mababasa sa caption, "WATCH: Ang sweet holding hands nina Ricci Rivero at Leren Mae Bautista habang nakikihalubilo sa kanilang tagahanga."
"Sweet naman nyarn.."
Hindi naman malinaw kung ano o kailan ang eksaktong petsa at saan ang lugar ng nabanggit na video kung kailan sila nakuhanang magkasama.
Bagama't wala namang inaamin at hindi naman kinukumpirma nina Ricci at Leren kung totoo ba ang mga kumakalat na alegasyon at akusasyong may namumuong romantikong relasyon sa pagitan nilang dalawa, "kinaladkad" at muling ikinomento ng mga netizen ang pamosong linyahan ni Bea Alonzo na "Time is the ultimate truth teller."
Narito ang ilan sa mga reaksiyon at komento ng netizens tungkol sa nabanggit na video.
"time is the truth teller tologo 🥳"
"time is the ultimate truth teller talaga, congrats sa inyong mag tita"
"TIME IS THE ULTIMATE TRUTH TELLER 😂"
"hawak kamay yarn😅😅😅ang mag auntie😅😅"
Matatandaang hindi ito ang unang beses na naispatang magkasama ang dalawa.
Una na rito ang umano'y paglalakad-lakad nilang dalawa sa freedom park ng isang state university sa Los Baños, Laguna.
MAKI-BALITA: Ricci, Leren Mae namataang ‘palakad-lakad’ daw sa isang park sa Laguna
Nauna nang itinanggi ni Bautista na may namamagitan sa kanilang dalawa ni Rivero, at binarag din niya ang mga akusasyong siya ang dahilan ng hiwalayan nina Ricci at ex-partner nitong si Andrea Brillantes.
MAKI-BALITA: Leren Mae Bautista, nagsalita na hinggil sa umano’y ‘romantic involvement’ kay Ricci Rivero
Samantala, wala pang tugon, reaksiyon, o pahayag sina Ricci at Leren hinggil dito. Bukas ang Balita sa kanilang panig.
