"Sana all, winner!"
Palaisipan sa mga netizen kung anong namamagitan kina "Super Sireyna" grand winner Francine Garcia at anak ng Ilocos Sur politician na si Luis "Chavit" Singson na si "Luis Christian Singson."
Batay daw sa mga litratong ibinahagi ni Francine sa kaniyang Facebook account, tila magkasama raw ang dalawa sa Sulvec Greece, ang mansyon ng pamilya Singson, sa Narvacan, Ilocos
“Commitment is what transforms a promise into reality.” 😘," mababasa sa post ni Francine.
OFW sa Middle East, panalo ng ₱37M sa Super Lotto
"Luis Christian Singson: 'I’ll bring you to Narvacan, Ilocos Sur. We have a private beach there, Santorini style. Tabing dagat, Very Beautiful.” -May 2023."
May pa-hashtag itong "#PakiligWithFG."
Sa isa pang Facebook post ay ibinahagi ni Francine ang isang blurred na video clip na mahihinuhang silang dalawa ni Luis Christian ang magkasama.
Makikitang tila niyakap pa ni Francine si Luis at iginiya naman siya nito paalis.
"WALANG MAKAKATULOG 😘," mababasa sa caption.
Nagwala naman ang madlang netizens sa comment sections.
"Sarap maging Francine Garcia!"
"OMG. Haba ng hair!"
"Kayo na ba? Kasuwerte naman ni Francine!"
Saway naman ni Francine, "KUMALMA KAYO! WALA PA TAYO SA EXCITING PART!"
Hindi naman nilinaw ni Francine o ni Luis Christian kung bakit nga ba sila magkasama o kung ano ang nais ipahiwatig ng kanilang mga larawan o video habang magkasama.
Ngunit habang isinusulat ang artikulong ito ay biglang nawala o nabura ang mga nabanggit na Facebook posts ni Francine, as of September 17, 11:51am.
Subalit huli na ang lahat dahil naibahagi na ito sa iba't ibang Facebook pages na may kinalaman sa pageantry, gaya ng "Pageant Trend" at "Pageant Mag Philippines."
Sa Facebook Reels ni Francine noong Mayo 2, makikitang magkasama sila sa isang beauty lounge.
Hindi naman binura ni Francine ang kaniyang video noong September 15 kung saan makikitang magkasama sila ni Luis Christian sa Sulvec.
Batay sa mga ulat, si Luis Christian ay ex-partner ni Miss Tourism World Intercontinental 2019 Francesca Taruc, na kamakailan lamang ay nag-post ng mga larawan kasama namn ang rapper na si Skusta Clee, ex-partner ni Zeinab Harake.
Samantala, wala pang reaksiyon o pahayag si Francine kung bakit niya binura ang mga nabanggit na larawan.
