Nagpahayag na ng pagkaalarma ang Armed Force of the Philippines (AFP) kasunod ng namataang 40 Chinese fishing vessels (CFVs) sa Rozul (Iroquois) Reef na saklaw pa ng exclusive economic zone (EEZ) ng Pilipinas.
National
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Sa pulong balitaan sa Quezon City nitong Sabado, sinabi ni AFP-Western Command (Wescom) commander Vice Admiral Albert Carlos, ang kumpulan ng CFVs sa Rozul Reef na bahagi ng West Philippine Sea (WPS) ay naispatan nitong Biyernes, Setyembre 15.
Ani Carlos, mas mataas ang nasabing bilang ng mga barko kumpara sa namataang 33 CFVs nitong Agosto 24.
Bukod dito, naispatan din ang kumpulan ng limang barko sa Escoda (Sabina) Shoal at dalawa naman sa Baragatan (Nares) Bank nitong Setyembre 14, ayon sa pahayag ng AFP-Wescom.
“But the good news is we also have our presence there,” paliwanag ni Carlos kung saan tinukoy ang barko ng Philippine Navy (PN) at Bureau of Fisheries and Aquatic Resources (BFAR).
“So, we are addressing the issue on this swarming," anang opisyal.
Binanggit din ni Carlos na nasimot na rin ang mga coral sa Rozul Reef matapos matuklasan sa isinagawang underwater survey ng mga tauhan ng PN.
PNA
