Nagpasalamat ang aktres na si Barbie Forteza sa “It’s Showtime” family matapos nilang mabanggit sa isang segment ng programa ang upcoming TV adaptation niyang “Maging Sino Ka Man” nitong Lunes, Setyembre 11.
Matutunghayan kasi sa video clip na ibinahagi ni Barbie sa kaniyang “X” account na tinanong ng host na si Vice Ganda ang isang contestant ng “Tawag ng Tanghalan” kung anong pelikula ni “The Megastar” Sharon Cuneta ang paborito nito.
“Paborito mo pala si Sharon Cuneta,” paniniguro ni Vice.
“Of course,” sagot naman ng contestant.
2 taga-Laguna na parehong nanalo sa magkahiwalay na Lotto 6/42 draw, kumubra na ng premyo
“A, talaga. Anong paborito mong pelikula ni Sharon Cuneta?”
“‘Maging Sino Ka Man’.”
“May teleseryeng Maging Sino Ka Man”. Si Barbie.”
Sa huli, nag-hi pa si Vice sa nasabing aktres.
Narito ang ilang komento ng netizens sa post ni Barbie:
“Ito talaga gusto ko sayo barbie very appreciative ka sa mga nag susupport at nag aappreciate sayo. Goodluck sa new show mo 😘”
“Madlang pipol loves you Barbie and #BarDa dahil dyan susubaybayan din namin ang #MagingSinoKaManGMA sana makabisita ulit sa @itsShowtimeNawith @davidlicauco”
“Proud of you two! BarDaComeback #MSKMWorldPremiere”
“Kinikilig akooooo”
Matatandaan na naging guest si Barbie Forteza noong Hulyo sa “It’s Showtime” kung saan sinabi pa ni Vice na bagay umano siyang maging host ng noontime show.
MAKI-BALITA: Vice Ganda, sinabing bagay si Barbie Forteza sa ‘It’s Showtime’
