Nagpaantig sa damdamin ng ilang mga mamamahayag at netizens ang isang artwork at makabagbag-damdaming mensahe na inihandog ni Michael V. kay Mike Enriquez, na pumanaw noong Agosto 29.
MAKI-BALITA: Veteran journalist Mike Enriquez, pumanaw na
Sa isang Instagram post, ibinahagi ni Bitoy ang ginawa niyang artwork tampok ang imahen ni Enriquez.
Marcoleta, pinigilang magtanong tungkol sa proposed ₱6.352-trillion 2025 nat'l budget
“‘Excuse me po!’ Just wanted to pay tribute to a fellow Kapuso and a pillar of GMA News & Public Affairs, Sir Mike Enriquez. 🫡,” ani Bitoy sa naturang post.
Kinuwento rin ng Kapuso celebrity na bagama’t “strikto at nakakatakot” daw ang first impression niya sa batikang mamamahayag, ang pagiging “kuwela at lovable” naman daw nito ang naiwang nakatatak sa kaniya.
“Sana nakita ng lahat ‘yung malaking wacky photo mo sa wake dahil ‘yun talaga ang pagkakakilala ng marami sa ‘yo. ❤️,” mensahe ni Bitoy kay Enriquez.
“Goodbye, Sir Mike. Parang alam na namin kung ano’ng sasabihin ni San Pedro ‘pag nakita ka n’ya sa Pearly Gates. 🙏🏼,” saad pa niya.
Naantig naman ang ilang mga kapwa Kapuso broadcasters ni Enriquez, maging ang mga netizen sa nasabing handog ni Bitoy.
“Maraming salamat.❤️,” ani Arnold Clavio sa comment section.
“Bitoy, so talented 👏👏👏 Paalam Sir Mike,” komento naman ni Sandra Aguinaldo.
“Galing nyo po talaga @michaelbitoy yes we will remember Ninong Mike E. that way 🙏🏻🙏🏻🙏🏻,” saad din ni Mariz Umali.
Narito naman ang ilang komento ng netizens:
“Ganda👏👏👏 Nakakamiss si Sir Mike, salute and rest in paradise Sir Mike 🙏.”
“San Pedro: Mike, pasok!”
“Ang nag-iisang Mile Enriquez. Katangi-tangi. An icon. Walang katulad. Nakaka-miss pero nakauwi na siya eh. Am@sure masaya siya sa piling Niya.”
“Paalam at Maraming Salamat po sa Serbisyo Sir Mike.”
