Persona non grata na rin sa lalawigan ng Capiz ang drag queen na si Pura Luka Vega dahil sa kontrobersiyal na “Ama Namin” drag performance nito.
Inaprubahan umano ng Sangguniang Panlalawigan ang resolusyong inakda ni Board Member Cecilio Fecundo para gawing persona non grata si Pura, may tunay na pangalang Amadeus Fernando Pagente, sa Capiz.
Sa panayam ng Brigada News FM Roxas City kay Fecundo, sinabi nitong maituturing na isang “malaking insulto” at “kawalan ng respeto” sa mga Kristiyano, lalo na sa mga Katoliko, ang naging performance ni Pura.
Bukod naman sa Capiz, ilang mga lungsod at lalawigan sa bansa na ang nagdeklara ng persona non grata laban kay Pura Luka Vega, kabilang na rito ang Lungsod ng Maynila, Palawan, Oriental Mindoro, Marikina City, Marinduque, Batangas City, Bohol, Talisay, Mandaue City at Cebu City sa Cebu, Lucena City sa Quezon Province, Occidental Mindoro, Dinagat Islands, Laguna, Nueva Ecija, Cagayan de Oro City, Bukidnon, General Santos City sa South Cotabato, Floridablanca sa Pampanga, at Toboso sa Negros Occidental.
Anong mangyayari sa isang tao kung naideklara siyang ‘persona non grata’ sa ‘Pinas?
MAKI-BALITA: Mga lugar na nagdeklara ng persona non grata laban kay Pura Luka Vega
Nagbigay naman ng reaksyon kamakailan si Pura hinggil sa halos sunod-sunod na pagkaka-persona non grata sa kaniya.
“Tell me EXACTLY what I did wrong. I’m open for a dialogue and yet cities have been declaring persona non grata without even knowing me or understanding the intent of the performance. Drag is art. You judge me yet you don’t even know me,” ani Pura kamakailan.
MAKI-BALITA: Pura Luka Vega, nag-react sa halos sunod-sunod na pagka-persona non grata
Matapos nito, muling nagtanghal ang drag queen sa awitin ni Taylor Swift na “Look What You Made Me Do” at nagbigay ng pahayag hinggil sa mga isyu laban sa kaniya.
“Para sa mga ibang lugar na gustong mag-persona non grata diyan, dagdagan n’yo pa! Pakialam ko. ‘Yon lang po. Thank you po,” saad ni Pura.
MAKI-BALITA: Pura Luka Vega wafakels sa persona non grata: ‘Dagdagan n’yo pa!’
