Marami nang mga lungsod at lalawigan sa Pilipinas ang nagdeklara ng persona non grata laban sa drag queen na si Pura Luka Vega kaugnay ng kontrobersiyal na “Ama Namin” drag performance nito.
Narito ang listahan ng mga lokal na pamahalaan sa bansa na nagpahayag na “unwelcome” ang drag queen sa kanilang lugar:
Floridablanca, Pampanga
Idineklara ng Sangguniang Bayan ng Floridablanca, Pampanga si Pura na persona non grata si Pura noong Hulyo 17, isang linggo matapos i-post sa social media ang kaniyang video ng “Ama Namin” drag performance habang ginagaya umano si Hesukristo.
Anong mangyayari sa isang tao kung naideklara siyang ‘persona non grata’ sa ‘Pinas?
“It is necessary to send a strong message of solidarity and support to the Christian Faith, while firmly denouncing such acts of blasphemy,” nakasaad sa resolusyon na ipinasa ng lungsod.
General Santos City
Base sa resolusyong ipinasa ng city council ng General Santos City, hindi umano maganda ang dating ng performance ni Pura sa populasyon ng mga Kristiyano sa lungsod.
“While the city council recognized the freedom of speech and expression, and freedom to travel of the performer, the resolution was meant to show the feelings and sentiments of the largely Christian population of the city,” nakasaad dito.
MAKI-BALITA: Pura Luka Vega persona non grata sa GenSan
Toboso, Negros Occidental
Ayon sa sumulat ng resolusyon na si Councilor Richard Jaojoco, siya mismo ay nasaling sa isinagawang mga kilos ng drag queen.
MAKI-BALITA: Pura Luka Vega idineklarang persona non grata sa isang bayan sa Negros Occidental
Bukidnon
Nakasaad sa resolusyon na hindi lamang umano “blasphemous” ang naging drag performance ni Pura, maituturing din daw itong “offensive,” walang galang, nakakainsulto, hindi katanggap-tanggap at mapangahas sa relihiyon at paniniwalang Kristiyano.
MAKI-BALITA: Pura Luka Vega, idineklarang persona non grata sa Bukidnon
Lungsod ng Maynila
Ayon sa may-akda ng resolusyong si Fifth District Councilor Ricardo “Boy” Isip, isa raw “kalapastanganan” ang ginawa ni Pura.
“Ito pong taong ito ay walang habas at di man lang pinag-isipan ang kaniyang ginawa… Isang kalapastangan po ang kaniyang ginawang palabas. Hindi po dapat itong palagpasin kasi pag pinalagpas natin ito, baka maparisan po ito. Kailangan na po nating gumawa ng aksyon,” aniya.
MAKI-BALITA: Pura Luka Vega persona non grata sa Maynila
Nueva Ecija
Ayon sa resolusyong ipinasa ng Sangguniang Panlalawigan ng Nueva Ecija, marami umano sa mga mananampalatayang Kristiyano ang “nasaktan” sa “offensive” drag performance ni Pura.
MAKI-BALITA: Pura Luka Vega, persona non grata na rin sa Nueva Ecija, Cagayan de Oro
Cagayan de Oro
Tinawag naman ni Councilor Ian Mark Nacaya, principal author ng resolusyong inaprubahan ng Sangguniang Panglungsod ng Cagayan de Oro, ang ginawa ni Pura na “sacrilegious,” “disrespectful,” at lumabag umano sa Article 133 ng Section 4 o ang “Offending the Religious Feelings” ng Revised Penal Code.
“You are violating the law. You are offending the faithful’s feelings. And for a Christian nation, you are not a person with dignity,” saad pa ni Nacaya.
MAKI-BALITA: Pura Luka Vega, persona non grata na rin sa Nueva Ecija, Cagayan de Oro
Laguna
Ibinahagi ni Laguna board member Christian Niño Lajara kamakailan ang desisyon umano ng lahat ng miyembro ng Laguna Provincial Council na ideklarang persona non grata si Pura sa kanilang probinsya.
“As leaders of our province, it is our duty to uphold the values of respect and dignity towards our fellow individuals. We should not tolerate any attacks or disrespect towards our cultures and beliefs,” ani Lajara.
“By declaring Persona Non-Grata, we are reminding everyone that being a celebrity or personality should never be an excuse to offend or insult our traditions and beliefs,” saad pa niya.
MAKI-BALITA: Pura Luka Vega, idineklarang persona non grata sa Laguna
Cebu City, Cebu
Base sa resolusyon na isinulat ni Councilor Pastor ‘Jun’ Alcover Jr. na inaprubahan ng Cebu City Council, maituturing umanong “offensive” at “disrespectful” ang performance ni Pura sa social at cultural values na may kaugnayan sa religious beliefs ng mga Cebuano.
MAKI-BALITA: Pura Luka Vega, persona non grata na rin sa Cebu City
Dinagat Islands
Ayon sa may akda ng resolusyon sa Dinagat Islands na si Board Member Regivvi Amor Alcaria, maituturing daw ang nasabing drag performance ni Pura na “blasphemous,” “disrespectful,” at “offensive” sa imahen ng Diyos.
MAKI-BALITA: Pura Luka Vega, persona non grata na rin sa Dinagat Islands
Occidental Mindoro
Nakasaad sa resolusyong ipinasa ng Sangguniang Panlalawigan ng Occidental Mindoro na maituturing daw na “paglalapastangan” sa simbahang Katolika at mga relihiyong gumagalang kay Hesukristo ang naturang performance ni Pura.
Ayon kay Vice Governor Anecita Diana Apigo-Tayag, magsisilbi umanong aral ang naturang desisyon upang hindi pamarisan ng iba ang ginawa ni Pura.
MAKI-BALITA: Pura Luka Vega, persona non grata sa Occidental Mindoro
Lucena City, Quezon Province
Ayon kay Lucena City Councilor Benito Brizuela Jr. sa resolusyon, maituturing umanong “disrespectful” at “blasphemous” ang performance ng drag queen.
“Disrespectful, blasphemous, and shouldn’t be done by anyone regardless of what religion they might be talking about,” saad ni Brizuela.
MAKI-BALITA: Pura Luka Vega, persona non grata na rin sa Lucena City
Mandaue City, Cebu
Base sa resolusyong inakda ni City Councilor Malcolm Sanchez, ang drag performance ni Pura ay “highly offensive” at “disrespectful” sa pananampalatayang Kristiyano.
“Disrespectful, blasphemous, and shouldn’t be done by anyone regardless of what religion they might be talking about,” saad pa ni Sanchez.
MAKI-BALITA: Pura Luka Vega, idineklara na ring persona non grata sa Mandaue City
Bohol
Ayon sa resolusyon ipinasa ng lalawigan at ibinahagi ni Bohol Vice Governor Dionisio Victor Balite sa kaniyang Facebook post, nagdudulot umano ng “offense” sa mga Katoliko ang performance ni Pura.
“The portrayal of religious figures in a manner that is disrespectful or offensive to the religious sentiments of individuals and communities is not conducive to promoting harmony and mutual respect within our society,” nakasaad sa resolusyon.
MAKI-BALITA: Pura Luka Vega persona non grata na rin sa lalawigan ng Bohol
Batangas City
Ayon kay Batangas City Councilor Boy Dimacuha, ang may-akda ng resolusyon ipinasa ng lungsod, inabuso umano ni Pura ang kaniyang “freedom of expression” na dapat daw ay limitado.
Maaari naman umanong bawiin ng lungsod ang deklarasyon nito ng persona non grata kung magpa-public apology ang drag queen.
MAKI-BALITA: Pura Luka Vega, idineklarang persona non grata sa Batangas City
Marinduque
Inilarawan ni Board Member Antonio Mangcucang, may-akda ng ipinasang resolusyon sa lalawigan ng Marinduque, maituturing umanong walang respeto sa Diyos at pang-iinsulto sa mga mananampalataya ang naturang performance ni Pura.
“The Provincial Government of Marinduque is one with the petitioners against Vega in citing that Pura Luka Vega’s unabated sacrilege consisting of blasphemy and desecration acts committed and perpetrated through and with the use of information and communication technologies, having been posted by him online and shared and reposted by netizens, is therefore available to the public,” nakasaad sa resolusyon.
MAKI-BALITA: Pura Luka Vega, persona non grata na rin sa Marinduque
Talisay City, Cebu
Base sa inaprubahang resolusyon na inakda ni Councilor Rodulfo Cabigas, “offensive” at “blasphemous” umano ang performance ni Pura, may tunay na pangalang Amadeus Fernando Pagente.
“Talisaynons are known to be deeply religious. We show this through our yearly devotion to the Santo Niño and Santa Teresa de Avila, our beloved patrons. I laud the resolution filed by our city councilors,” saad naman ni Talisay Mayor Samsam Gullas.
MAKI-BALITA: Pura Luka Vega, idineklara na ring persona non grata sa Talisay City, Cebu
Marikina City
Sa Facebook post ni Marikina City Councilor Rommel Kambal Acuña kamakailan, ibinahagi nito ang pagkapasa umano ng resolusyong nagdedeklara kay Pura, may tunay na pangalang Amadeus Fernando Pagente, na persona non grata sa lungsod.
“PURA LUKA VEGA is Unwelcome in Marikina City!!!!” caption pa ng konsehal sa kaniyang post.
MAKI-BALITA: Pura Luka Vega, persona non grata rin sa Marikina City
Oriental Mindoro
Inihayag ni Provincial board member Roland Ruga nitong Miyerkules, Agosto 30, na ipinasa ng 11th Sangguniang Panlalawigan (SP) ang resolusyong nagdedeklara kay Pura, may tunay na pangalang Amadeus Fernando Pagente, na persona non grata sa lalawigan.
Ayon pa kay Ruga, nakatanggap din ang provincial board ng liham mula kay Gov. Humerlito Dolor upang hilingin na ideklarang persona non grata ang drag queen dahil sa kaniyang performance na inilarawan umano ng ilan bilang “sacrilegious,” “blasphemy,” at “disrespectful.”
“As public officials, it is our responsibility to promote sensible and prudent expression of art in Oriental Mindoro. We must dissuade artistic expressions offensive to social, religious, and cultural values. It is also our duty to uphold the respect and dignity accorded to religious beliefs and traditions,” ani Dolor sa kaniyang liham sa board.
MAKI-BALITA: Pura Luka Vega, persona non grata na rin sa Oriental Mindoro
Palawan
Inihayag ng may-akda ng resolusyon na si Board Member Winston Arzaga na maituturing umanong “kalapastanganan” ang performance ni Pura dahil ginawa raw niyang “entertainment” ang isang “sacred Christian prayer.”
“Kung ginawa niya sa isang templo baka acceptable, pero ginawa niya iyon sa isang bar. Kaya naging deplorable kasi ginawa mong parody ‘yung isang prayer na dapat vinivenerate sa loob ng simbahan,” ani Arzaga.
MAKI-BALITA: Pura Luka Vega, persona non grata na rin sa Palawan
Capiz
Ayon sa may-akda ng resolusyon na si Board Member Cecilio Fecundo, sinabi nitong maituturing na isang “malaking insulto” at “kawalan ng respeto” sa mga Kristiyano, lalo na sa mga Katoliko, ang naging performance ni Pura.
MAKI-BALITA: Pura Luka Vega, idineklara na ring persona non grata na rin sa Capiz
Malolos City, Bulacan
Base sa resolusyong ipinasa ng Sangguniang Panlungsod ng Malolos, kinondena nito ang “kabuktutan” umano ni Pura, may tunay na pangalang Amadeus Fernando Pagente, at idineklarang “unacceptable,” “unwelcomed,” at “undesirable” individual sa lungsod.
“Pagente had exhibited depravity and insensitivity by openly mocking and offending the religious belief of majority of the constituents of the city, with utter disregard for common decency expected from a normal peace-abiding member of our society,” nakasaad sa nasabing resolusyon.
MAKI-BALITA: Pura Luka Vega, idineklarang persona non grata sa Malolos City, Bulacan
Sa kabila naman ng halos sunod-sunod na pagkaka-persona non grata sa kaniya, tila hindi natinag na nagbigay ng reaksyon si Pura tungkol dito.
“Tell me EXACTLY what I did wrong. I’m open for a dialogue and yet cities have been declaring persona non grata without even knowing me or understanding the intent of the performance. Drag is art. You judge me yet you don’t even know me,” ani Pura kamakailan.
MAKI-BALITA: Pura Luka Vega, nag-react sa halos sunod-sunod na pagka-persona non grata
Matapos nito, muling nagtanghal ang drag queen sa awitin ni Taylor Swift na “Look What You Made Me Do” at nagbigay ng pahayag hinggil sa mga isyu laban sa kaniya.
“Para sa mga ibang lugar na gustong mag-persona non grata diyan, dagdagan n’yo pa! Pakialam ko. ‘Yon lang po. Thank you po,” saad ni Pura.
MAKI-BALITA: Pura Luka Vega wafakels sa persona non grata: ‘Dagdagan n’yo pa!’
Samantala, sa gitna ng mga deklarasyong ito laban kay Pura, ano nga ba ang mangyayari sa isang tao kung siya ay idineklarang “persona non grata” sa isang lugar dito sa Pilipinas?
MAKI-BALITA: Anong mangyayari sa isang tao kung naideklara siyang ‘persona non grata’ sa ‘Pinas?
