Air Supply, magkakaroon ng 3-night concert sa ‘Pinas sa Disyembre

By MJ Salcedo

August 22, 2023

In BALITA

“Here I am, the one that you love…”

Inanunsyo ng musical duo na Air Supply ang kanilang pagbabalik sa Pilipinas sa darating na Disyembre para sa kanilang 3-night concert.

Sa kanilang Facebook post nitong Lunes, Agosto 21, ibinahagi ng Air Supply na nagdagdag sila ng apat na bagong shows para sa kanilang "Lost In Love Experience Tour.”

Tatlo naman sa nasabing bagong shows ang magaganap sa Pilipinas simula Disyembre 11 hanggang 13 sa Newport Performing Arts Theater sa Pasay City.

“NEW DATES ANNOUNCED! We've added four new shows to the Lost In Love Experience at the end of 2023,” saad ng Air Supply sa kanilang post.

“Pre-sale tickets available Wednesday with code LOVE. Tickets on sale Friday at https://AirSupplyMusic.com/tour-dates,” dagdag pa.

Matatandaang huling nag-concert ang Air Supply sa Pilipinas noong Disyembre ng nakaraang taon upang ipagdiwang ang kanilang 45th anniversary.

Kilala ang Air Supply sa kanilang hit songs, kabilang na ang “Here I am,” “The One That You Love," “Come What May,” “All Out of Love,” at "Come What May."

TIMELINE: Ang pagpili ng ika-267 Santo Papa ng Simbahang Katolika

Pormal nang nagsimula ang muling pagpili ng Simbahang Katolika para sa susunod na Santo Papa na siyang nakatakdang mamuno sa bilyong Katoliko mula sa iba’t ibang panig ng mundo.Nagsimula ang Papal Conclave noong Miyerkules Mayo 7, 2025 kung saan ikinulong ang 133 cardinal sa loob ng Sistine Chapel upang isagawa ang kanilang eleksyon para sa susunod na Santo Papa, kasunod ng pagpanaw ni Pope...

Catanduanes, niyanig ng 4.5-magnitude na lindol

Niyanig ng magnitude 4.5 na lindol ang probinsya ng Catanduanes nitong Biyernes ng gabi, Mayo 9, ayon sa Philippine Institute of Volcanology and Seismology (Phivolcs).Base sa tala ng Phivolcs, nangyari ang lindol na tectonic ang pinagmulan dakong 6:40 ng gabi.Namataan ang epicenter nito 46 kilometro ang layo sa timog-silangan ng Gigmoto, Catanduanes, na may lalim na 10 kilometro.Wala namang...

6-anyos na batang babae, patay matapos makuryente sa charger ng cellphone

Nasawi ang isang anim na taong gulang na batang babae matapos umano itong makuryente sa charger ng cellphone sa Cadiz, Negros Occidental.Ayon sa mga ulat, nahawakan daw ng biktima ang bakal na bahagi ng charger habang ipinapasok ito sa saksakan.Batay sa salaysay ng ama ng biktima, nakita pa raw niyang hawak ng anak ang cellphone ngunit bigla na lang daw nitong isinaksak ang charger sa isang outlet...