Matapos ang face reveal ng bagong silang na baby girl nila ng mister na si Direk Paul Soriano, flinex ni Ultimate Multimedia Star Toni Gonzaga-Soriano ang litrato ng kaniyang sariling mag-anak.

Makikita sa Instagram story ni Toni ang larawan ng kaniyang mag-aama.

Kalong ni Direk Paul ang baby girl na si Polly habang nakaupo sa sofa, at katabi naman ang panganay nilang si Seve, na nakayakap naman sa kaniyang tatay at baby sister.

Toni Gonzaga sa kaniyang ‘new bestfriend’: ‘You are the greatest reward’

"My life" ang text caption dito ng actress-TV host at naka-tag naman ito sa Instagram accounts ng dalawa.

Nagsilang si Toni noong Biyernes, Agosto 11 sa St. Luke's Hospital in Bonifacio Global City, Taguig.

"Mommy @celestinegonzaga with Paulina Celestine #BabyGirl #GirlDad #GodisGood," anang Paul sa kaniyang Instagram post.

Sa kaniyang IG post naman, sinabi ni Toni na si Polly ang kaniyang "new best friend."

Nabanggit din ni Mrs. Soriano ang tila katuparan ng kaniyang "manifesting" noong 2015, na magkakaroon sila ng isang baby boy at baby girl ni Direk Paul.