Nagbabala ang Gabriela Women’s Party hinggil sa umano’y "masasamang epekto" ng mandatory Reserved Officers' Training Corps (ROTC) sa mga babaeng estudyante at miyembro ng LGBTQIA+ community.
Sa isang pahayag nitong Lunes, Agosto 14, iginiit ni Gabriela Vice Chairperson Joms Salvador na “well documented” ang case studies tungkol sa mandatory ROTC at masasamang epekto umano nito sa mga babaeng estudyante at miyembro ng LGBTQIA+.
“We have seen plenty of cases of ROTC-facilitated intimidation, sexual harassment, rape, hazing, and many other forms of gendered violence against women and LGBTQIA+ students in the program,” ani Salvador.
“In what world is institutionalizing a program with such a horrific track record considered gender equality?” giit pa niya.
VP Sara sa PMA graduates: ‘Wag maging kasangkapan ng pagtatraydor ng mga nasa kapangyarihan’
Matatandaang ipinahayag ni Senador Ronald “Bato” Dela Rosa kamakailan na dapat kasama rin ang mga babaeng estudyante at miyembro ng LGBTQIA+ community sa ROTC program para umano sa “gender equality.”
MAKI-BALITA: ‘Para sa gender equality’: Bato, nais isama mga babae, LGBTQ+ sa ROTC
Ayon kay Salvador, hindi umano gender equality na matatawag ang “puwersang” pagsali sa mga batang babae at LGBTQIA+ sa ROTC.
“It just means we are now throwing both halves of the population into militarist, macho, and misogynistic education under ROTC,” aniya.
“Let us teach women patriotism, not through blind submission to authority, but through conscious action rooted in political education and understanding of Philippine history and society,” saad pa ni Salvador.
