Ipinagdiwang ng mga bagong host ng "Eat Bulaga!" ang ika-44 anibersaryo ng noontime show nitong Sabado, Hulyo 29, 2023, kasama ang ilang Sparkle talents ng Sparkle GMA Artist Center.
Isa sa mga pasabog nila ay ang pagkakaroon ng bagong theme song.
Bukod sa bagong theme song, pinag-usapan din ang mensaheng iniwan ng isa sa mga main host na si Paolo Contis. Pag-amin ng aktor-TV host, aminadong nasasaktan siya kapag tinatawag silang "Fake Bulaga."
Depensa ni Paolo. kung anuman ang ginagawa nilang bagong hosts sa programa ay hindi peke. Lahat daw ay totoo.
Ex-Pres. Duterte, ikakampanya si Quiboloy: 'Marami siyang alam sa buhay!'
Pahayag ni Paolo, "Mahalaga rin po sa akin na sabihan ang ginagawa po namin ay totoo. Marami pong nagsasabi kami po ay fake. Maraming nagsasabi kami ay 'Fake Bulaga.' Wala pong peke sa pagmamahal ko sa grupong 'to."
"Kaya masakit po sa'min kapag tinatawag n'yo kaming 'Fake Bulaga' dahil wala pong fake sa ginagawa namin, sa ngiti na nakikita namin sa mga tao. Wala po," dagdag pa.
Matatandaang simula nang lumayas ang original hosts nitong TVJ at iba pang "legit Dabarkads" at lumipat sa TV5, hindi na tinantanan pa ng bashing ang "Eat Bulaga!" at tinatawag na "Fake Bulaga."
Samantala, nagdiwang din ng anibersaryo ang katapat nitong "E.A.T." Ang mismong titulo pa nito ay "Eto Ang Tunay."
