Dalawang beses hinagupit ng bagyong Egay ang Cagayan nitong Miyerkules, ayon sa Philippine Atmospheric Geophysical and Astronomical Services Administration (PAGASA).
Unang humagupit ang bagyo sa Dalupiri Island sa Calayan, Cagayan dakong 3:10 ng madaling araw.
National
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Dakong 9:30 ng umaga, tumama na naman ang bagyo sa Fuga Island sa Aparri, Cagayan.
Sa abiso ng PAGASA, isinailalim pa rin sa Signal No. 4 ang northern portion ng Cagayan (Santa Ana, Gonzaga, Claveria, Sanchez-Mira, Pamplona, Abulug, Ballesteros, Aparri, Buguey, Santa Teresita, Camalaniugan, Santa Praxedes), kabilang ang Babuyan Islands, northern portion ng Apayao (Calanasan, Luna, Santa Marcela), at northern portion ng Ilocos Norte (Burgos, Bangui, Dumalneg, Pagudpud, Adams, Pasuquin, Vintar, Bacarra).
Nakataas sa Signal No. 3 ang Batanes, natitirang bahagi ng Cagayan, natitirang bahagi ng Apayao, northern portion ng Kalinga (Rizal, Pinukpuk, Balbalan), northern portion ng Abra (Tineg, Lagayan, Lacub, Danglas, Bangued, La Paz, San Juan, Dolores, Tayum, Lagangilang, Malibcong, Licuan-Baay, Peñarrubia, Pidigan, Langiden, San Quintin, Bucay, San Isidro, Sallapadan), natitirang bahagi ng Ilocos Norte, at northern portion ng Ilocos Sur (Magsingal, San Juan, Cabugao, Sinait, San Vicente, Santo Domingo, San Ildefonso, Bantay, Santa Catalina, City of Vigan, Caoayan, Santa, Nagbukel, Narvacan).
Isinailalim naman sa Signal No. 2 ang Isabela, natititrang bahagi ng Kalinga, Mountain Province, Ifugao, Benguet, natitirang bahagi ng Abra, natitirang bahagi ng Ilocos Sur, La Union, at northern at western portion ng Pangasinan (Sison, San Jacinto, Pozorrubio, San Fabian, Dagupan City, Calasiao, Binmaley, Lingayen, Bugallon, Mabini, Labrador, Infanta, Dasol, Burgos, Agno, City of Alaminos, Sual, Anda, Bolinao, Bani, San Manuel, Binalonan, Laoac, Manaoag, Mangaldan, Mapandan, Santa Barbara, San Nicolas).
Ipinaiiral naman ang Signal No. 1 sa Aurora, Quirino, Nueva Vizcaya, natitirang bahagi ng Pangasinan, Nueva Ecija, Tarlac, Pampanga, Bulacan, Zambales, Bataan, Metro Manila, Rizal, Cavite, Laguna, northern portion ng Batangas (Talisay, City of Tanauan, Santo Tomas, Balete, Malvar, Lipa City), northern at central portion ng Quezon (Pitogo, Calauag, Infanta, Lopez, Guinayangan, Unisan, Plaridel, Quezon, Alabat, Padre Burgos, Mauban, General Nakar, Perez, Agdangan, Gumaca, Atimonan, Real, Tagkawayan, Lucena City, Pagbilao, Lucban, Sampaloc, City of Tayabas, Dolores, Sariaya, Candelaria, Tiaong, San Antonio) kabilang na ang Polillo Islands, Camarines Norte, nantitirang bahagi ng northern portion ng Camarines Sur (Siruma, Tinambac, Goa, Lagonoy, Caramoan, Cabusao, Sipocot, Garchitorena, Ragay, Del Gallego, Calabanga, Presentacion, Lupi), at northern portion ng Catanduanes (Pandan, Bagamanoc, Panganiban, Viga, Caramoran).
Sa pagtaya ng PAGASA, huling namataan ang bagyo sa karagatang bahagi ng Aparri (Dalupiri Is.), Cagayan.
Kumikilos ito pa-timog kanluran sa bilis na 15 kilometer per hour (kph), dala ang hanging 175 kph malapit sa gitna at bugsong hanggang 240 kph.
(May dagdag na ulat ni Ellalyn de Vera-Ruiz)
