Itinaas na ng Philippine Atmospheric, Geophysical and Astronomical Services Administration (PAGASA) sa Signal No. 2 ang timog-silangang bahagi ng Isabela at hilagang-silangan ng Catanduanes, habang Signal No. 1 sa ilan pang mga lalawigan ng bansa nitong Lunes ng umaga, Hulyo 24, dahil sa bagyong Egay na nakataas na sa ‘typhoon’ category.

Sa ulat ng PAGASA kaninang 5:00 ng umaga, namataan ang sentro ng typhoon Egay 565 kilometro ang layo sa silangan ng Baler, Aurora, taglay ang maximum sustained winds umaabot sa 140 kilometers per hour malapit sa sentro at pagbugsong 170 kilometers per hour.

Kasalukuyan itong gumagalaw pakanluran sa bilis na 15 kilometers per hour.

Dahil dito, itinaas na ng PAGASA sa Signal No. 2 ang timog-silangang bahagi ng Isabela (Palanan, Dinapigue), at ang hilagang-silangan ng Catanduanes (Pandan, Bagamanoc, Panganiban, Viga, Gigmoto).

National
WALANG PASOK: Class suspension para sa Biyernes, Marso 7

WALANG PASOK: Class suspension para sa Biyernes, Marso 7

Itinaas naman sa Signal No. 1 ang mga sumusunod na lugar:

  • Batanes

  • Cagayan kabilang na ang Babuyan Islands

  • Mga natitirang bahagi ng Isabela 

  • Quirino

  • Nueva Vizcaya

  • Apayao

  • Kalinga

  • Abra

  • Mountain Province

  • Ifugao

  • Benguet

  • Ilocos Norte

  • Ilocos Sur

  • La Union

  • Hilagang bahagi ng Pangasinan (Natividad, San Nicolas, San Quintin, Sison, Pozorrubio, San Manuel, San Fabian, Anda, Bolinao, San Jacinto, Manaoag, Laoac, Binalonan, Asingan, Tayug, Santa Maria, Umingan, Dagupan City, Mangaldan) 

  • Aurora

  • Hilaga at silangang bahagi ng Nueva Ecija (Carranglan, Bongabon, Gabaldon, Pantabangan, Lupao, San Jose City)

  • Hilaga at timog-silangang bahagi ng Quezon (Pitogo, San Andres, Buenavista, San Francisco, Calauag, Infanta, Lopez, Catanauan, Mulanay, Guinayangan, Unisan, General Luna, Plaridel, Quezon, Alabat, Padre Burgos, Macalelon, Mauban, General Nakar, Perez, Agdangan, Gumaca, Atimonan, Real, San Narciso, Tagkawayan) kabilang na ang Polillo Islands

  • Camarines Norte 

  • Camarines Sur

  • Mga natitirang bahagi ng Catanduanes

  • Albay

  • Sorsogon

  • Masbate

  • Northern Samar

  • Eastern Samar 

  • Samar 

  • Biliran

“EGAY is forecast to continue intensifying and reach super typhoon category by late tomorrow or on early Wednesday. However, should the track forecast shift closer to the landmass of Luzon, the typhoon may peak at an intensity just below STY threshold,” anang PAGASA.

“Nevertheless, EGAY is forecast to become a very strong typhoon. A weakening trend may begin by Wednesday afternoon or evening as it enters the cooler waters southwest and west of Taiwan,” dagdag nito.

Inaasahan naman umanong lalabas ng Philippine area of responsibility ang bagyong Egay sa Huwebes, Hulyo 27.