Nasa trending list ng YouTube channel ang naging panayam ni Unkabogable Star Vice Ganda kay Kapamilya star Andrea Brillantes, na umere nitong Hulyo 16, 2023.

In fairness sa &t=842s">vlog ni Vice Ganda, bukod sa naka-chikahan niya ang isang Gen Z star, marami silang nagawa sa nabanggit na 20-minute vlog, kagaya ng bag raid at paglantak ng masasarap na food.

May titulo ang vlog na "Revelations ni Andrea Brillantes, ang Beshie kong Gen Z" kaya inasahan na talaga ang mga pasabog ni Blythe, lalong-lalo na pagdating sa kaniyang pinag-usapang pakikipaghiwalay sa karelasyon recently.

Isa nga sa mga ikinaloka ng lahat ay ang rebelasyon ni Andrea na parang "bakla" siya kung magmahal, dahil todo-tdo ang "givesung" niya pagdating sa kaniyang karelasyon.

Andrea Brillantes, aminadong ‘confrontational’ sa third-party: ‘Lagi akong tama!’

Sinabi rin ni Andrea na napatutunayan niyang "tama" ang mga hinala niya sa mga dating nakarelasyon.

"Lagi akong tama!" pagdidiin pa ng aktres.

Sa hindi tinukoy at pinangalanang ex, nakapagpaluwal pa nga raw siya ng isang milyong piso, maisama lamang ito sa isang proyekto. Siya na raw ang nagbigay ng talent fee (TF) dito, na iniawas na sa kaniyang natanggap na TF.

Pero pinagpiyestahan ng mga netizen ang nasambit na sagot ni Andrea nang usisain siya ni Vice kung paano siya mag-move on.

Pahabol pa ni Blythe, iniisip na lamang niya ang mga nakaka-turn off na bagay sa hiniwalayang karelasyon.

“Gusto ko lang sabihin, minsan, kung hirap kang mag-move on, kailangan mo talagang isipin ang mga bagay na, ‘Talaga ba? Iiyakan ko ba ‘yung lalaking hindi nagpapa-laundry nang isang taon?’" ani Andrea na ikinawindang rin ni Vice.

"Ang dugyot kaya no'n!" anang komedyante-TV host.

Bagama't walang pinangalanan, wala ring tinukoy kung dati o recent lang, o kaya naman ay "halimbawa" lamang ang nasabi at hindi naman talaga deskripsyon ng isa sa mga ex, iisang pangalan lamang ang naiisip ng mga netizen kung sino raw ito.

Si Ricci Rivero!

Narito ang ilan sa mga reaksiyon at komento ng netizens, sa iba't ibang social media platforms maging sa iba't ibang social media pages.

"Ricci Rivero in the house hahahaha..."

"Kapag nakikita ko yung pagmumukha ni Ricci nakakawala ng pagod, napapalitan ng galit."

"Si Ricci Rivero ang naiisip agad ng mga tao kasi siya ang recent haha."

"Hindi nagpapalaba ng isang taon tambak ba ang labada walastik ang amoy sa kwarto niyan mga pinagpawisan player yan kaya nagji-gym pa 'yan tapos itatambak lang sa isang sulok ng bahay haha buti natagalan baka mabango pa lungga ng daga sa ganung pamamahay hahaha."

"Nakakaloka ang mga rebelasyon ni Blythe. Ano ka ngayon, Ricci?"

Maging ang kilalang social media personality na si Rendon Labador ay nagpasaring kay Ricci.

"Wala ka palang pang laundry, hindi ka deserve ni Andrea #StayMotivated," aniya.

Samantala, wala pang tugon, reaksiyon, o pahayag ang kampo ni Ricci tungkol dito.