Jodi Sta. Maria, ibinahagi ang kalagayan ngayon ng kuting na napulot sa NAIA-Balita

Jodi Sta. Maria, ibinahagi ang kalagayan ngayon ng kuting na napulot sa NAIA

Proud na ibinahagi ni Kapamilya star Jodi Sta. Maria kung kumusta na ba ang kuting na napulot niya sa Ninoy Aquino International Airport o NAIA noong Enero 5, 2023.

Matatandaang habang nasa NAIA Terminal 1 si Jodi, isang kuting ang napansin niyang pagala-gala at nadudunggol pa ng mga paa at cart ng mga pasaherong nagmamadaling payao't dito sa loob ng paliparan.

MAKI-BALITA: ‘Poor kitty now has a new home!’ Jodi, pinulot at inuwi palakad-lakad na kuting sa airport

Nagmagandang-loob si Jodi na kunin ang kuting, dalhin sa beterinaryo, at iuwi na lamang sa bahay upang alagaan.

"Naia" ang pangalang ipinagkaloob niya sa bagong pet cat bilang alaala kung saan niya napulot ito.

Hindi makakalimutan ni Jodi ang kaniyang karanasan nang kunin si Naia mula paliparan dahil isang matandang pasahero pa raw ang hindi nakakilala at nagalit pa sa kaniya.

MAKI-BALITA: ‘Di nakilala?’ Jodi, napagalitan ng isang pasahero sa airport matapos ‘iligtas’ ang kuting

Ibinahagi ni Jodi kung ano-ano ang mga ginawa niya upang mas maalagaan pa ang pusa.

Makalipas lamang ang halos anim na buwan, heto't muling ibinida ni Jodi sa publiko ang kalagayan ng kaniyang pusa.

Kitang-kita ang kaibahan ng anyo nito ngayon. Masasabing alagang-alaga nina Jodi ang kanilang pet cat na si Naia.

"Good morning. This is me now. Found a favorite spot in the kitchen. My mom’s cook top 😽 ~ Naia 🤍," mababasang social media post ni Jodi kahapon ng Lunes, Hulyo 10.

https://twitter.com/JodiStaMaria/status/1678192130437545985

Hindi naman naiwasan ng mga netizen na purihin ang pag-aalaga ni Jodi para sa pusa.

"Grabe, bilis ng panahon, ate! Sobrang healthy-looking na ni Naia ngayon compared nung unang beses mo/namin siyang nakita. Nakakatuwa."

"OMG! Sobrang laki na talaga nang pinagbago ni Naia parang kelan lang nang magtagpo ang landas n'yo mhie Jods sa airport. And now ooohhh so cute."

"Amazing! Ang laki ng iginanda niya..."

"Nakakabilib! She's so pretty and adorable!"

Ang pangalan ni Naia ay binibigkas ng "Naya."

Sana raw, laging magbigay ng updates sa kaniyang followers si Jodi patungkol kay Naia.

UP, top university pa rin sa Pinas; Iba pang paaralan sa bansa, pasok sa Asian ranking!

Nananatili pa ring hawak ng University of the Philippines (UP) ang unang puwesto bilang top university sa Pilipinas, batay sa inilabas na survey at datos ng Quacquarelli Symonds (QS) Asia University rankings for 2025.Ayon sa QS, nakopo rin ng UP ang ika-20 puwesto para naman sa top universities sa Southeast Asia, na may 196 na mga unibersidad, habang na-solo rin nito ang ika-86 namang puwesto mula...

Bagyong Nika, itinaas na sa ‘tropical storm’ category

Lumakas ang bagyong Nika at itinaas na ito sa tropical storm category, ayon sa 5 PM update ng Philippine Atmospheric, Geophysical and Astronomical Services Administration (PAGASA) ngayong Sabado, Nobyembre 9.Sa tala ng PAGASA, huling namataan ang sentro ng bagyong Nika 1,005 kilometro ang layo sa silangan ng Southeastern Luzon. Taglay nito ang lakas ng hanging aabot sa 65 kilometers per hour...

Mga pamilyang nabiktima ng ‘common crimes’ nitong Q3, pinakamataas mula Sept. 2023

Mula Setyembre 2023, naitala ngayong ikatlong quarter ng 2024 ang pinakamataas na bilang ng mga pamilyang Pilipinong nabiktima ng mga karaniwang krimen sa loob ng nakalipas na anim na buwan, ayon sa survey ng Social Weather Stations (SWS) na inilabas nitong Sabado, Nobyembre 9.Sa tala ng SWS, 6.1% ng mga pamilyang Pilipino ang nag-report na nabiktima sila ng kahit anong “common crimes,” tulad...