“Avisala, @gabbi! 💚”
Binati ni It’s Showtime host Karylle ang kapwa niya “Sang'gre” na si Gabbi Garcia sa pag-guest nito sa premiere episode ng noontime show sa GTV nitong Sabado, Hulyo 1.
“Avisala, @gabbi! 💚 ikaw na muna ang bahalang magbukas ng pinto sa GTV 🌳 🚪,” ani Karylle sa isang Twitter post.
“Asnamon voya nazar,” dagdag niya kasama ang hashtag na #GnaGsaShowtime.
Ex-Pres. Rodrigo Duterte, tatakbong mayor sa Davao City; ayaw tumakbong senador?
Parehong ginampanan nina Karylle at Gabbi ang role ni Alena sa fantaseryeng "Encantadia."
Samantala, kasama ni Gabbi sa pag-guest sa It’s Showtime ang mga kapwa niya cast ng “Unbreak My Heart” series na sina Jodi Sta. Maria,, Joshua Garcia, at Richard Yap.
MAKI-BALITA: Cast ng ‘Unbreak My Heart’, nag-guest sa It’s Showtime
Bukod sa kanila, nag-guest din sa It’s Showtime at nagtanghal sa opening production sina Kapuso stars Barbie Forteza, Sanya Lopez, Mark Bautista, Rayver Cruz at Rodjun Cruz.
MAKI-BALITA: It’s Showtime, umere na sa GTV; Opening prod kasama Kapuso stars, pasabog!
Hindi naman nakasama si Karylle sa premiere episode ng It’s Showtime sa GTV dahil naging abala ito sa show ng Cultural Center of the Philippines na “OUT OF THE BOX : Isang Gabing Sarsuwela.”
