Usap-usapan ngayon ang isang video na kumalat online hinggil umano sa isang babaeng nakatapis o nakabalot lamang ng tuwalya, at naabutan umano ng Kapamilya star na si Andrea Brillantes sa condo unit ng kaniyang ex-boyfriend na si Ricci Rivero.

Ayon sa panayam ni Ricci sa "Fast Talk with Boy Abunda," tila sinasabi niyang ang nag-video sa babaeng kasama ng kaniyang kaibigang nagpunta sa kaniyang tinutuluyan, ay si Andrea.

Hindi pa malinaw kung si Andrea nga ba ang nag-leak nito sa social media na pinutakti umano ng mga marites.

Ito umano ang naging dahilan kung bakit tuluyang naghiwalay ang dalawa, batay sa panayam ni Tito Boy.

57 kilos ng shabu na isinilid sa Chinese tea bags, nakumpiska sa pantalan sa Southern Leyte

"Ang cause ng breakup, 'yong speculations na kumakalat sa social media na may nakita siyang girl doon sa place ko," anang Ricci.

"Pero ilang beses po naman naming pinag-usapan ito. Sobrang daming beses. Sinabi ko sa kaniya, with all the evidences I have, na hindi sa akin 'yong girl. May papuntang friend ako ng midnight, tapos hindi ko naman alam na may kasama siya. Iyon ang inabutan niya," na tumutukoy kay Blythe.

Ayon naman sa ulat ng Philippine Entertainment Portal o PEP, batay naman sa salaysay ng kanilang source na malapit na kaibigan ni Ricci, hindi raw kompleto ang mga sinabi ng basketball player sa panayam.

Kasama raw ni Ricci sa condo ang mga kaibigan kabilang na ang babaeng nabungaran ni Andrea.

Hindi raw magdadala si Ricci ng babae sa condo dahil may access dito si Andrea, so anytime daw ay puwede siyang maabutan nito if ever man na magsama raw siya ng ibang bebot.

Nang sorpresang dumating daw si Andrea sa condo unit ng boyfriend, puwersahan daw nitong binuksan ang pinto ng banyo at kinunan ng video ang babaeng nakatapis ng tuwalya, na katatapos lamang maligo.

Hindi naman kita ang mukha ng babae sa leaked video o kahit sa screenshots, subalit marami raw ang nag-aabang kung lalantad ito at magsasampa ng pormal na reklamo laban kay Andrea.

Ayon pa sa ulat, napagtanto raw ni Andrea na mali ang kaniyang ginawa. Isa pa, nakumbinsi raw itong hindi ang babaeng nakita niya at navideodahan ang mga bet o tipong papatulan ni Ricci.

Habang isinusulat ang balitang ito, wala pang tugon, reaksiyon, o pahayag ang kampo ni Andrea tungkol sa mga naispluk ni Ricci sa FTWBA.

MAKI-BALITA: Ricci Rivero, nagsalita na sa hiwalayan nila ni Andrea Brillantes

MAKI-BALITA: Ricci Rivero, never daw ginamit si Andrea Brillantes para sumikat