Nasungkit ng taga-Quezon City ang ₱15 milyong jackpot prize ng Super Lotto 6/49 na binola ng Philippine Charity Sweepstakes Office (PCSO) nitong Huwebes ng gabi, Hunyo 15.
Matagumpay na nahulaan ng lucky bettor ang winning numbers na 19-03-45-22-42-32 na may katumbas na ₱15,840,000 premyo.
MAKI-BALITA: https://balita.net.ph/2023/06/15/%e2%82%b115-m-jackpot-prize-ng-super-lotto-6-49-nasungkit-na/
Sa inilabas na kalatas ng PCSO, nabili ang winning ticket sa Kaunlaran, Cubao, Quezon City.
National
UP, top university pa rin sa Pinas; Iba pang paaralan sa bansa, pasok sa Asian ranking!
Ang lucky winner ay kailangan lamang magtungo sa PCSO main office sa Mandaluyong City para makubra ang premyo.
Kailangan lamang magpresenta na dalawang valid ID at winning ticket.
Paalala rin ng PCSO na sa ilalim ng Tax Reform for Acceleration and Inclusion law, ang lahat ng lotto winnings na mahigit sa ₱10,000 ay papatawan ng 20-percent final tax.
Ang mga premyo naman anila na hindi makukubra matapos ang isang taon ay mapo-forfeit at otomatikong mapupunta sa kawanggawa.
Ang SuperLotto 6/49 ay binobola tuwing Martes, Huwebes, at Linggo
