Ilang fans ng SB19 pumalag kina Vice Ganda, Anne Curtis dahil sa 'Gento'-Balita

Hanggang ngayon ay mainit na pinag-uusapan sa social media ang nasabi nina "It's Showtime" hosts Vice Ganda at Anne Curtis tungkol sa patok na kanta ngayon ng Pinoy Pop all-male supergroup na "SB19," ang "Gento, dahil hindi na umano ito basta-basta puwedeng patugtugin dahil may "bayad" na ito.

Nangyari ito sa segment na "Isip Bata" ng noontime show noong Hunyo 10, 2023 kung saan hinamon ng isang kalahok ang host-dancer na si Jhong Hilario na sumayaw ng "Gento" na isa sa mga sikat na dance song na sinasabayan ngayon sa TikTok.

Payag naman si Jhong subalit biglang may sumigaw mula sa staff na "Bawal."

Halatang gulat naman dito sina Vice at Anne dahil hindi naman unang pagkakataong gagamitin ang Gento sa Showtime; sa katunayan, may TikTok video pa nga si Vice na kasa-kasama niya ang SB19 sa paghataw nito.

"Bawal, naniningil na sila, naniningil na. Yung 'Rampa' libre, ayaw niyong itry?" pabirong hirit ni Vice na tumutukoy sa kaniyang kanta.

Napakomento naman dito si Anne na tila gulat na gulat ding may ganoon pala.

"Talaga? Hindi ba good promo 'yon for the music industry? May ganon na pala, sayang."

Tila hindi naman ito nagustuhan ng ilang SB19 fans kaya na-call out nila sina Vice at Anne. Naging trending pa ang "Respect Local Artists."

Larawan mula sa Twitter

Anila, karapatan ng SB19 maningil ng "music royalties" o songwriters, recording artists, publishers, music labels, at producers na gagamit sa kanilang na-compose o pinasikat na awitin, sa isang show na nagnanais na gumamit nito.

Ngunit depensa naman ng ilan, walang pambabastos sa mga sinabi nina Vice at Anne dahil maaaring nagulat lamang sila, dahil hindi naman na bago ang paggamit ng kanta sa isang show na gaya ng Showtime. Dati pa nga raw ay mas natutuwa pa ang local artists kapag ginagamit sa TV shows ang kanilang mga awitin dahil free promotion na rin ito.

Samantala, wala pang tugon o pahayag sina Vice at Anne tungkol dito, bagama't may mga sundot na biro ang Unkabogable Phenomenal Star patungkol sa "bayad," sa segment din ng Isip Bata.

Wala pa ring pahayag ang SB19 kung ano ang naramdaman o reaksiyon nila tungkol dito.

PBBM sa National Teacher's Day: 'I wish you a joyful and productive celebration'

Nagpaabot ng mensahe si Pangulong Ferdinand “Bongbong” Marcos, Jr. para sa mga guro bilang bahagi ng National Teacher’s Day Celebration ngayong Sabado, Oktubre 5.Sa mensaheng inilabas ng Malacañang, sinabi ng pangulo na kinikilala umano nila ang lahat ng guro sa iba’t ibang panig ng mundo na ibinabahagi ang kahalagahan ng kahusayan at pagsisikap.“We acknowledge our educators all around...

Labor leader Sonny Matula, muling tatakbong senador sa 2025

Muling tatakbo ang lider-manggagawang si Atty. Sonny Matula bilang senador sa 2025 midterm elections upang patuloy raw na isulong ang karapatan ng mga manggagawa sa bansa, tulad ng pagpapataas ng kanilang mga sahod.Naghain ng certificate of candidacy (COC) si Matula nitong Sabado, Oktubre 5, sa The Manila Hotel Tent City.'Now na ang panahon para sa pagbabago, bagong dugo at bagong mukha naman...

Davao Occidental, niyanig ng magnitude 4.0 na lindol

Niyanig ng magnitude 4.0 na lindol ang probinsya ng Davao Occidental nitong Sabado ng umaga, Oktubre 5.Sa tala ng Philippine Institute of Volcanology and Seismology (Phivolcs), nangyari ang lindol na tectonic ang pinagmulan dakong 6:22 ng umaga. Namataan ang epicenter nito 431 kilometro ang layo sa timog-silangan ng Balut Island sa munisipalidad ng Sarangani, Davao Occidental, na may lalim na 249...